Aizawl, Risaw 10 : Ka Mizo National Front (MNF) bad ka seng Congress ha ka sngi Nyngkong, kila kyrpad ia ka Election Commission of India (ECI) ba kan pynkynriah noh ia ka sngi niew vote jong ka Eleskhon Assembly bala buh ha ka 3 tarik Nohprah namar ka hap ha ka sngi U Blei, ka sngi duwai jong ki Khristan.
Tang da ki kynta hadien ba ka ECI kala pynbna ia ka Tarik thep vote bad niew vote, ka MNF bad ka Congress kila thoh shithi sha u Chief Election Commissioner Rajiv Kumar ba un pynkylla noh ia ka Tarik niew vote.
U President ka Congress ka Mizoram Lalsawta ha ka shithi, ula ong ba ka sngi U Blei ka dei ka sngi kyntang ia ki paidbah ka Mizoram bad ka dei ka sngi ba kyrpang ban mane ia u Blei.
Kumjuh ruh u General Secretary ka MNF T C Kaphmingthanga ha ka shithi, ula kyrpad ia ka ECI ban kynriah noh ia ka sngi niew vote.
“Ngim ju pynlong ia ki programme ne leh ia kino kino ki kam ha ka sngi U Blei ha Mizoram.Ngi tip ba ym tang ka Congress party hynrei baroh ki paid Khristan ha Mizoram kim kwah ban pynlong ia ka jingianiew vote ha ka sngi U Blei. Namar kata, nga kyrpad ia phi ban burom lem ia ka jingsngew ki paid Mizo bad ban buh da kawei pat ka Tarik niew vote, lehse ha ka sngi Nyngkong haduh sngi Thohdieng” ula ong.
Ka sngi thep kyrteng ba khatduh jong ki kyrtong kan long ha ka 20 tarik Risaw, ka jingbishar kyrteng kan long ha ka sngi ba bud bad ka sngi ban weng kyrteng kan longha ka 23 tarik Risaw.
Ka jingniew ia ki vote ha baroh san tylli ki jylla ka ri ha ka 3 tarik Nohprah.
 bad ka seng Congress ha ka sngi Nyngkong, kila kyrpad ia ka Election Commission of India (ECI) ba kan pynkynriah noh ia ka sngi niew vote jong ka Eleskhon Assembly bala buh ha ka 3 tarik Nohprah namar ka hap ha ka sngi U Blei, ka sngi duwai jong ki Khristan.){kind=link}