Shillong, Risaw 10 : Ka jingpang Niang-Soh Ot ka dei ka jingpang kaba la shim ia bun ki mynsiem briew hangne hapoh ka Jylla khamtam ha Ri-lum Khasi Jaintia bad ka jingsumar ia u niang soh-ot ka dei kaba dang lap dang ha kine ki khyndiat snem hadien ka jingsar kane ka jingpang ha ki thain ka West Khasi Hills bad Ri-Bhoi District.
Ka jingiap jong ki briew ba ioh ia kane ka jingpang ka dei tang namar ka jingkhein sting ne mutdur ba dei ka jingpang shit met, suhkhriat bad ter ter khlem da tip pat ba tang shu slem khyndiat, ka lah ban shim syndon ia ka jingim. Kat kum ki stad ki jhad la ong ba lada slem ban sumar ia kane ka jingpang hapoh ka 11-12 sngi ne hapoh 14 snem, ka lad ban im u nongpang kala duna bha.
Khlem da lah ban nym ai jingithuh, ka jingpang niang soh-ot ka dei kaba lap da u Dr David Tariang mynba u dang shakri kum u Doktor hapoh ka Dr H Gordon Robert Hospital namar ka jingshemphang ia kane ka jingpang mynba u dang trei hapoh Vellore. Ka jingshem jong u ia ka lynti ban sumar kala iada ia kiba bun ki mynsiem briew,kaba la saphriang pat sha kiwei kiwei ki Hospital ka Jylla.
To ngin peit ia ki jingbatai jong ki Stad ki Jhad, ki ong kumno halor kane ka jingpang :-
Dr. Meban A. Kharkongor MBBS, MD (General Medicine)
Dr. Mark T. Kharsyntiew MBBS, PG Diploma in Family Medicine, FGID (Fellowship in General Infectious Diseases)
