Aizawl, Iaiong 17: Ka jingiakynad ba thymmai kala khie ha khappud ka jylla Mizoram bad Tripura, hadien ba ka surok ba la shna sorkar ha Thaidawr hill kaba marjan bad ka shnong Phuldungsei.
Ka shnong Phuldungsei, kadei ka thain ba ka sorkar Mizoram kala kam trai ba ka hap hapoh u pud u sam jong ka.
Ka Thaidawr hill ha ryngkat bad ka shnong ka don marjan bad ka shnong Phuldungsei kaba don ha Jampui hills ha shilynter jong ka khappud Tripura.
U Myntri sorkar ka Mizoram ba peit ia ka tnad forests and climate change u Lalthansanga bad ki nongialam ka Mizo Zirlai Pawl (MZP) kila leit ban jngoh ia kane ka jaka ha ka sngi ba-ar bad ha ka sngi Balang ban peit khmih ia ka jinglong jingman.
U Lalthansanga u la iaroh ia ka jingshna surok ha ki snem kiba la leit hapoh kane ka dong ka thain bad u la pynpaw ruh ba kine ki shnong kim shym la ioh pdiang than ka jingiarap na ki bor pyniaid district ka jylla Mizoram.
Shuh shuh u la kular ba ka sorkar jong kae Zoram People’s Movement (ZPM) kaba la ialam da u Myntri Rangbah u Lalduhoma, kan shim khia ban pynbeit ia ka jingwan kyntur pud jong ka Tripura bad kumjuh ruh ban wanrah ki kam pynroi hapoh kane ka dong ka thain.
Ka kynhuny MZP hapoh ka jingialam da u President u H Lalthianghlima kila pynlong ka jingjurip ha Thaidawr ha ka sngi Balang bad u la pynpaw kane ka thain ka dei ba dang hap ha Mizoram katkum ka 1933 notofication under Bengal Eastern Frontier Regulation 1873.
