Aizawl, Iaiong 14: Uwei u tymmen 77 snem rta ia uba la tip kyrteng kum u Lalringthara uba dei na ka shnong New Hruaikawn kaba ha khappud ka Mizoram-Myanmar hapoh Champhai district u la pyni ia ka nuksa na ka bynta kiwei pat da kaba pynrung kyrteng ia lade ban pule ha ka klas 9 hapoh kawei ka High School kaba don ha ka shnong Hruaikawn.
Ia u Lalringthara la kha u ka snem 1945 hapoh ka shnong Khuangleng kaba don hajan khappud ka India-Myanmar.U Lalringthara um shym la ioh lad shuh ban bteng ia ka jingpule ka jong u hadien ka klass II namar ka jingkhlad noh u kpa jong u.
“Hadien ba u la duh noh iala u jong u kpa, u dang don tang ar snem rta.U la shah pynbor ban iarap lem iala ka jong ka kmie ha ka kam rep kam riang kum u khynnah rit namar u dei tang u khun ba tang marwei,” ong u nongshong shnong ka Hruaikawn.
Hadien ba u la kynriah na kawei ka jaka sha kwei pat, ha kaba khatduh u la shongneh hapoh ka shnong New Hruaikawn naduh u snem 1995.
Une u riew tymmen mynta u trei kum u nongap ne chowkidar hapoh kawei ka skul jong ka Balang Presbyterian khnang ban bsa ia lade.
Pule lang ia kane: Ioh ka ACHIK ia ka jingkyrshan ki Sengbhalang ban pyntreikam iaka Roster System naduh u 1972
