Aizawl, Nailar 14: U Lalduhoma uba dei u Myntri Rangbah ka jylla Mizoram, u la pynpaw ba ki jylla ne ki jaka kiba ia don hajan sha ka Golden Triangle, kidei ki thain ba ba pawnam bha ha ka jingkhaii drug.
Haba plie paidbah ia ka Nasha Mukt Bharat Abhiyan (Drugs Free India Campaign) ha nongbah Aizawl, u Myntri Rangbah u la ong ba namar ka jinglong jingman jong ka jaka ne ka (geographical location) ka ialam pat sha ka jingtuid jong u drug ba man ka por hapoh ka jylla.
Na ka liang u Lalduhoma u la kyntu ia ki paidbah nong shong shnong ba kidei ban long kiba husiar bad kiba peitngor bha, kumjh ruh ban ieng tylli kawei ban iakhun pyrshah ia u drug ban pyntikna ba ka jaitbynriew ne ha ka imlang ka sahlang ha Mizo kan lah ban iada na une u jait jingdih ba sniew.
Shuh shuh u Myntri Rangbah u la pynshlur ia ki khun samla ba kidei ban kiar lailum laiwah na u drug ha ryngkat bad ka jingmaham ba ka jingdih teng teng ruh ka dei ka sienjam kaba nyngkong eh sha ka jingkyrni ia u drug.
U Lalduhoma u la khot bad kyntu ruh ia kiti kiba la ngat ha ka shrip jong ka jingkyrni ia une u jingdih ba sniew ba kin long shlur ban shim ia ka sienjam ba kin kiar noh bad ban im pat ia ka jingim ba thymmai.
Kum shi bynta jong ka Nasha Mukt Bharat Abhiyan (Drugs Free India Campaign), ka Mizoram State Level bad ka Aizawl District Level programmes kila pynlong ia ka “Rally – Fight Against Drugs” ha kaba kumba 600 ngut ki khynnah skul na ki skul bapher bapher kila wan ban ia shim bynta bad ki college ruh kumjuh.
