Tura, Lber 12: Ki nongshongshnong na ki kyntoit bapher bapher ka Tura, kila peit baroh shimiet ban pahara iala ki jong ki kyntoit hadien ki jingjia lute, pynjulor nongkynti bad ki kam wiang ding kiba la jia ha kylleng ki jaka jong ka sor.
Ki riew runar kila shim kabu ia ka jingkulmar bad kila kyndang jubor ia ki dukan ha kylleng ki jaka bad lute naphang kat kiba don ha dukan.
Namar kane, ki nongshongshnong kila iamih dalade ban ia pahara miet hala kijong ki kyntoit, ban iada iala ki jong ki iingki sem, ki dukan bad ka shnong ka thaw.
Kat kum ka jingong ki trai shnong, kane ka sienjam ka long kaba donkam hadien ki khubor ba pyntip ba ki don ki riew runar kila pyrshang ban shim kabu ia ka jinglong jingman da kaba leit rung ha ki iingbriew bad leh ia ki kam bymman.
Ha kawei na kine ki jingjia, ki runar kiba pynjulor ia kawei ka dukan, kila thoh ia ka slogan “Long live Achik (Garo) Land” da kaba synreit rong ha kynroh. Kaba thamula ka long ba kane ka dukan ka dei jong uwei u Garo bad kala shah kyndang ha ka por ba mih ka jingkulmar.
Kaba itynnad ka long ba ha ka step sngi Palei, la iohi ba ki nongshongshnong kiba la mih nala iing ban pynkhuid ia ka surok. Bad kynthei bad shynrang kila iarah ia ki synsar bad ki bolsha ban khat ia ki maw, ki tiar bala iing bad ki jaboh jabain bala ieh shadien da ki nongiakhih, kum ka jingpyrshang ban wanrah biang ia ka jinglongba jai jai bad ka jingkhuid ha ka thain.
Shuwa kane, u Myntri Rangbah ka Jylla Conrad K Sangma ula kyntu ia ki nongshongshnong ba kin bat ia ka jingsuk bad pynbeit ia ki jingiapher jingmut lyngba ki jingiakren ha ka jaka ki jingia umsnam.
Ki Nongialam niam ruh kila mih shakhmat bad khot sha ka jingiaseng duwaiba kyrpang da ka jingthmu ban wanrah biang ia ka jingsuk bad ka shongsuk shongsain ha ka thain Ri-lum Garo baroh kawei.
