Shillong, Lber 10 : U Working President ka Meghalaya Pradesh Congress Committee (MPCC) Bah PN Syiem ula iehnoh ia ka kam ba u trei bad ka jinglong dkhot hapoh ka Indian National Congress ha ka sngi Ba-ar, da kaba kynnoh ba ka All India Congress Committee (AICC) kala leh bym patiaw ia ka Meghalaya Unit bad pynleit jingmut pynban tang ha ki jingkynnoh pyrshah ia ka Sorkar Pdeng.
Ha ka shithi bala phah sha u General Secretary ka AICC KC Venugopal, u Bah Pynshngain ula thoh ba ula ap la slem iaki Nongialam na Delki ba kin jubab ia ki jingai jingmut bad ki jingangnud jong ki paidbah ka Meghalaya, kynthup ka jingdawa ban pynkylla ia u Nongialam bad ban pynthymmai ia ki nongkitkam ka Seng naduh ki Primary Unit.
U Bah PN Syiem ula ong “Kala paw shai ba ki nongialam na Delhi kiba don ha ka high command kila pynleit jingmut kham bun ha ki jingkynthoh pyrshah ia ka Sorkar Pdeng ha ka jaka ban sngap ia ki jingai jingmut ba kongsan jong la ki jong ki dkhot bad ki paidbah”.
“Namar kata, haba iaid kat kum ka sur jong ki paidbah ka Meghalaya bad kham kongsan eh, ka jing sngew jong nga shimet, nga buh ia kane ka shithi iehnohkam…ka ban treikam naduh mynta ka sngi, ka 10 tarik Lber 2026” ong ka shithi.
 Bah PN Syiem ula iehnoh ia ka kam ba u trei bad ka jinglong dkhot hapoh ka Indian National Congress ha ka sngi Ba-ar, da kaba kynnoh ba ka All India Congress Committee (AICC) kala leh bym patiaw ia ka Meghalaya Unit bad pynleit jingmut pynban tang ha ki jingkynnoh pyrshah ia ka Sorkar Pdeng.){kind=link}