Shillong, Rymphang 02: Ka kynhun ialehkai kickboxing ba 26 ngut bad ki nongïalam jong ka Meghalaya State Kickboxing Association (MSKA) ki la hiar sha New Delhi hynne ka sngi Nyngkong ban leit ïashim bynta ha ka 5th India Open International Kickboxing Tournament ka ban sdang naduh 4 tarik haduh 8 tarik Rymphang 2026.
Ka kynhun ka Meghalaya ka kynthup ïa ki nongïalehkai bala mihkhmat iaka Ri India kata Daniella I W Mylliemngap, Medariphyla Lyngdoh Nongbri, Babit Kharsahnoh, bad Belldona Pakyntein bad la ialam ia ki da ki coach bala ioh License kata Khrawjutang M Kharsyntiew bad Fourwell Khongmalai.
“Ki nongïalehkai kickboxing ka Meghalaya kila wanrah bun sien ïa ka nam bad burom iaka Jylla ha kaba kila ioh khur haduh 257 tylli ki takma, kynthup ïa ki 54 tylli ki International Medals naduh u snem 2017” ong u Bah Lorenzo Pearson Warjri, Honorary Working President, ka Meghalaya State Kickboxing Association.
U Bah Shaiborlang Lyngdoh Mawphlang, President ka Meghalaya State Paralympics Association u la kitbok kitrwiang ia ki nongialehkai ba kin bteng ban wanrah ia ka nam jop na ka bynta ka jylla. “To leh bha bad wanrah ia ka nam bad ka burom iaka Jylla” u la ong.
Ka kynhun ïalehkai kickboxing jong ki kynthei ka Jylla Meghalaya kan ïashim bynta ha ka East Zone Khelo India Asmita Women League ka ban long ha Siliguri naduh ka 26 tarik u Rymphang haduh 1 tarik Lber 2026.
 ki la hiar sha New Delhi hynne ka sngi Nyngkong ban leit ïashim bynta ha ka 5th India Open International Kickboxing Tournament ka ban sdang naduh 4 tarik haduh 8 tarik Rymphang 2026.){kind=link}