Nongpoh, Jymmang 18: Ki Khynah skul ka Alpha English Higher Secondary School, Nongpoh, hynne ka sngi Palei, kila iamih sha surok ban iaid ialap pyrshah ia ka jingkyrni ha ka jingdih duma bad ban pynsaphriang ia ki khubor halor ki jingma kiba ap ia ki nongdih duma bad kumjuh ruh ia kiba don marjan.
Ki Khynnah skul kane ka Skul kila iamih ha ryngkat ki placard ba don ia ki jingthoh bapher bapher, kiba don ia ki khubor halor ki jingma kiba ap na ka jingdih duma. Kine ki Khynnah kila pynlong ruh ia ka signature campaign ha kaba kila leit rung sha ki dukan ban pynshai bad kyrpad ia ki nongdir dukan ba kin sangeh noh ia ka jingdih duma.
Haba kren bad ka Skhlem, ki khynnah skul bad ki nonghikai jong katei ka skul, ki la ong ba kane ka jingpynlong ïaka rally bad ka signature campaign ka long kum shibynta ban rakhe lypa ïaka world No Tobacco Day kaban sa long haka 31 tarik jong u Jymmang.
Ki la ïathuh ruh kane ka jingïashim bynta da ki khynnah skul ka long kawei naki jingpyrshang ban wanrah ïaka jingkylla haka jingpyrkhat jong ki paidbah halor ka jingpyndonkam ïa u duma.
Ki la ïathuh ruh ba lyngba kane ki la pyrshang ban pynsaphriang ïaka khubor halor ka jingma lada pyndonkam ïa u duma daka jingïa pyrta ïaki slogan.
Ki la ïathuh ruh ka jingpyrshang jong ki ban leit pynsngewthuh ïaki nongshong dukan ka dei halor ka jingdie laitlan ïaki jingdih kiba sniew, kiba kynthup naduh u Biri, sikret, raja, khoini bad kiwei kiwei.
