New Delhi, Nailur 06 : Ka jingpynkylla syndet syndet ia ka kyrteng ka “India” sha ka “Bharat” ha ka jingkhot sngewbha ia ka President Droupadi Murmu sha ka jingialang ki Nongialam ki Ri G20, kala pynmih ia ki jingkynthoh kiba jur na ki kynhun bapher bapher bad ka Congress kala kynnoh ba ka Sorkar ba ialam da u Modi kala pynkylla ia kane ka kyrteng ka Ri namar ki buit politics jong ka BJP.
Kane ka dei ka sien ba nyngkong ba ia ka shithi khot sngewbha bala phah sha ka Khliehduh ka Ri ban wan bam ja miet ha ka 9 tarik Nailur ha New Delhi, kala mih na ka “President ka India” sha ka “President of Bharat”.
Kane ka shithi khot ngewbha sha ka jingia bamja lang ia ka President ka Ri da u Myntri ka Sorkar Pdeng la pynsaphriang da u Myntri ka Sorkar Pdeng Dharmendra Pradhan ha ka X (Twitter) bad nangne kala saphriang ha kylleng ki rynsan social media.
जन गण मन अधिनायक जय हे, भारत भाग्य विधाता
जय हो 🇮🇳#PresidentOfBharat pic.twitter.com/C4RmR0uGGS
— Dharmendra Pradhan (@dpradhanbjp) September 5, 2023
Ka Bharat vrs India hastag kala kylla ishu ha ki rynsan social media, kaba lam sha ka jingiatai kaba jur bha.
Watla ki liang pyrshah kila kynthoh jur pyrshah ia kane ka sienjam, hynrei ki nongialam ka BJP kila pdiang sngewbha ia ka.
“Kane kala dei ban jia naduh mynno. Kane ka ai jinghun kaba khraw ia ka jingmut jingpyrkhat. Ka Bharat ka dei ka jingpyn ithuh bad ngi da sngew sarong bha ia ka. Ka President kala ai kongsan bha ia ka “Bharat”. Kane ka dei ka jingpynpaw kaba khraw bha ba ngin lait noh na ka rukom pyrkhat ka synshar Bilat” ong u Dharmendra Pradhan.
#WATCH | Delhi: On G20 Summit dinner invitations at Rashtrapati Bhawan sent in the name of ‘President of Bharat’, Union Minister Dharmendra Pradhan says, "This should have happened earlier. This gives great satisfaction to the mind. 'Bharat' is our introduction. We are proud of… pic.twitter.com/aQ0Pm4JYOk
— ANI (@ANI) September 5, 2023
U JP Nadda ula khot ia ka Congress kum ka seng kaba long pyrshah ia ka Ri bad ba pyrshah ia ka Riti Synshar ka Ri.
Can we expect anything from a party which does not even know India's Preamble….
Congress = Lack of respect for Constitution and Dr. Ambedkar.
Shameful! pic.twitter.com/iKo3Gh1MNu
— Jagat Prakash Nadda (@JPNadda) September 5, 2023
REPUBLIC OF BHARAT – happy and proud that our civilisation is marching ahead boldly towards AMRIT KAAL
— Himanta Biswa Sarma (@himantabiswa) September 5, 2023
भारत गणराज्य 🇮🇳 pic.twitter.com/thIjwNnUDT
— Himanta Biswa Sarma (@himantabiswa) September 5, 2023
U MP ka Congress Shashi Tharoor ula ong ba kan long ka kam biej ban shu pynduh noh ia ka kyrteng “India”.
While there is no constitutional objection to calling India “Bharat”, which is one of the country’s two official names, I hope the government will not be so foolish as to completely dispense with “India”, which has incalculable brand value built up over centuries. We should… pic.twitter.com/V6ucaIfWqj
— Shashi Tharoor (@ShashiTharoor) September 5, 2023
Arsngi shuwa kane, ka kynrum kynram kala mih hadien ba u Hehduh ka Rashtriya Swayamsevak Singh (RSS) Mohan Bhagwat, ula ai jingmut ba ia ka India dei ban bujli noh da ka Bharat.
“Ngi la dei ban pynsangeh noh ha kaban pyndonkam ia ka kyntien India bad sdang pyndonkam da ka Bharat. Ki don ki khep, ngi pyndonkam ia ka India ban pynlong ia kito kiba kren Phareng ba kin sngewthuh. Hynrei, ngi dei ban pynsangeh noh ia kana. Ka kyrteng jong ka Ri, Bharat, kan iai neh Bharat haba phi leit sha kano kano ka Ri ka pyrthei.La haba kren ne haba thoh, dei ban ong beit Bharat” ong u Mohan Bhagwat.
