spot_img

Bluit mih ka Vision Document ka VPP da ka Hindi – “Ym sngewthuh Hindi hynrei thoh bad pule te nang”

Date:

Share post:

Shillong, Lber 22 : Ka Voice of the People Party (VPP) kaba dei ka seng sain pyrthei ba dang shu pynkha thymmai shuwa ka elekshon MLA-2023, tang da ki bnai, kala pyni ia ka jinglong arsap (double standard) ha ka jingtreikam lada iaid kat kum ka Vision for Meghalaya ba ka pynmih shuwa ka elekshon MLA-2023.

Kat kum kane ka Vision for Meghalaya ne ka Vision Document jong ka VPP, kane ka seng sain pyrthei kala pynmih ia ka ha ki lai tylli ki Ktien-ka Ktien Khasi, ka Ktien Phareng bad kaba sammut eh ka dei ka Ktien Hindi.

Ka jingsammut ka long hadien ba ki MLA ka VPP kila ieng pyrshah ia ka jingkren Hindi u Lat ka Jylla ha Iingdorbar Thaw Ain da kaba ong ba kim iapei phang ne sngewthuh hynrei kaei kaba paw mynta “Ym sngewthuh Hindi tangba thoh bad pule te nang”.

Bluit ka Vision Document jong ka VPP kala saphriang ha ki rynsan Social Media ba pyni ba kane ka seng sain pyrthei kala pynkhreh bha ialade ban khroh vote na ki bar jylla kiba kren ia ka ktien Hindi ha ka elekshon MLA ba dang shu dep.

Ki jingkynthoh ba laiphew jait kila mih pyrshah ia kane ka seng sain pyrthei ba ialam da u Bah Ardent M Basaiawmoit MLA ka Nongkrem – hadien ka drama jong ki 4 ngut ki MLA ka VPP kiba mih jyndat na ka Iingdorbar Thaw Ain ba kren Hindi u Lat ka Jylla.

Kane ka drama jong ka VPP kala saphriang ha ki rynsan Social Media ha kaba bun kila ai jingiaroh ia kine ki MLA hynrei kiba bun ruh kila kynthoh pyrshah da kaba ong ba ka dei ka jingleh biej namar ka Iingdorbar kala dep sam sha ki Dkhot ka Iing ia ka jingkren u Lat bala dep pynkylla sha ka Ktien Phareng.

Nalor kane, kiba bun ruh kila kynthoh ba kumno kane ka seng sain pyrthei ka pyrshah ia ka jingkren Hindi u Lat haba ka nang ban thoh ban tar da ka ktien Hindi kaba la paw shai na ka Vision Document ba ka pynmih shuwa ka elekshon MLA-2023.

Lah ban kdew hangne ba ki Nongthep vote bar jylla kiba bun eh ki don ha North Shillong, Pynthorumkhrah, Laban, West Shillong, Nongthymmai bad Madanrting.

Share post:

spot_img
spot_img

Popular

More like this
Related

Thung ka Sorkar ia ka Agatha Sangma kum ka Chairperson ka MSCPCR

Shillong, Nailur 07 : Ka Sorkar Jylla kala thung...

Meghalaya SDRF recovers body of minor from Umiam River

Shillong, Sept 7: The State Disaster Response Force (SDRF)...

Police seize 170 litres of illicit liquor in Shillong in a day

Shillong, Sept 7: In a crackdown on illicit activities...

Six people killed in fresh violence in Manipur

Imphal, Sept 7: Manipur is on the boil yet...
spot_img