Shillong, Nohprah 15: Ka Family Strengthening Programme (FSP) – ka shnat treikam ka SOS Children’s Village Shillong, kala sdang iaki jingialap paidbah ban pynduh jait iaka shongkha khynnah (Child Marriage) kat kum ka jingbthah ka tnat Ministry of Women and Child Development ka Sorkar India.
Haka 13 tarik ka FSP haka jingiatreilang bad ka tnat District Child Protection Unit, District Legal Services Nongpoh, ka Dorbar Shnong Bhoirymbong, ka Dept of Social Work jong ka skulbah Martin Luther Christian University, ka Shillong Expressway Pvt Ltd bad ka Ministry of Road Transport and Highways kila pynlong iaka iaid paidbah.
Ha ryngkat ki Placard, ki nongwan shim bynta kila iaid na Iew Bhoirymbong ban pynsngewthuh paidbah khamtam iaki nongshong dukan bad ki samla halor ka jingdonkam ban pynduh jait iaka shongkha khynnah.
Ka SOS ka ïeng skhem haka nongrim ban iada iaki khynnah bad kan dang iai bteng ban pynlong ia ki program pynsgewthuh paidbah iaka jingdonkam ban pynduh jait iaka shongkha khynnah (Child Marriage) bad iaki program yn sdang biang naduh u bnai Kyllalyngkot 2026.
- ka shnat treikam ka SOS Children's Village Shillong, kala sdang iaki jingialap paidbah ban pynduh jait iaka shongkha khynnah (Child Marriage) kat kum ka jingbthah ka tnat Ministry of Women and Child Development ka Sorkar India.){kind=link}