Shillong, Nailar 04 : Ka Khasi Students Union (KSU)-Kupli Area Circle, ha ka sngi Nyngkong, kala mih ban talasi naphang ia ki kali kiba wan rung na Assam ha shnong Saphai, West Jaintia Hills, ban khanglad ia ka jingwan rung tuh ki mynder kiba shah kyndang ha ka Sorkar Assam namar ka jingbuhai shnong be-ain.
Ia kane ka jingtalasi kali la pynlong ha ryngkat ka jingiadon lang ki bor Pulit ka Saphai Police Outpost.
Kat kum ka jingong ka KSU-Kupli Area, ki mynder ri ba shah kyndang ha ka Sorkar Assam, kaba dang iaid shaid shaid mynta, kila phaikhmat ban wan wad jaka rieh sha Jylla Meghalaya namar ka jingtip ba ka Jylla ka long kaba laitlan, ka bym don ia ka ain ban khanglad ia ki. Ka ong ba namar kane, ki mynder ki shlur ban wan rung beain sha Jylla.
Ka KSU kala pyntip ruh ba ha ka jingshem jong ka, ka shnong Saphai ka dei kawei na ki lynti kaba ki mynder ki ju pyndon kam bha ban wan rung beain sha Jylla.
Namar kata, kane ka Seng kala kyntu ia ki bor Shnong ka Saphai bad ki para ri baroh ba kin peitngot bha iala ka shnong ka thaw ban lait na ka jingshah tyllup ha ki mynder.
Haba pynpaw ba ka seng kan iai pynlong ia ka jingtalasi man ka por ban nym ailad ia ka jingwan rung ki mynder, ka KSU kala kyntu ia ka Sorkar ba kam dei ban khein sting ia kane ka kam bad kala phah kyrwoh ruh ba lada ki bor Sorkar kim leh eiei, kam dei ban kynnoh ia ka seng b aka pynkhein ain lada ka mih ban tehlakam hi ia ka jingma.
-Kupli Area Circle, ha ka sngi Nyngkong, kala mih ban talasi naphang ia ki kali kiba wan rung na Assam ha shnong Saphai, West Jaintia Hills, ban khanglad ia ka jingwan rung tuh ki mynder kiba shah kyndang ha ka Sorkar Assam namar ka jingbuhai shnong be-ain.){kind=link}