Shillong, Jylliew 04: Ka jingiania kaab jur kala mih hapdeng ki paidbah nongleit nongwan bad ki bor district ha Polo namar ka jingshah khang ki kali ban iaid.
Naduh ka por 10:30 baje mynstep, ki Pulit kim shymla shah shuh ia ki kali ba wan na ki thain Lawmali ba kin rung sha ki thain Polo, kaba la wanrah ia ka jingieng lain ki kali kaba jur bha.
Ki Nongniah kali bad ki riew paidbah da ka jingbitar kila iahiar na ki kali kynthup ki arshaka ban iania bad ki magistrate ha ka jingdonlang ki Pulit.
Ka thain Polo kala sawa da ki horn kali ban pyni ia ka jingbitar ia kane ka jingleh ki bor district.
Lah ban kdew hangne, kane ka jingkhang iaid ki kali ka dei namar ka jingwan u Myntri kam Pohiing ka ri Amit Shah sha Shillong ban pyniaid ia ka jingialang 73rd Plenary jong ka North Eastern Council ha State Convention Centre.
