Guwahati, Nailar 20 : Hapdeng ka jingjur ka jingkulmar ba mih na ka jingshah thombor ki kali bad ki passenger ka Assam ha ka rally thuk thuk ka Khasi Students’ Union (KSU), u Nongtrei bhalang (activist) ka Assam Srinkhal Chaliha ula maham ba ka lah ban don ka jingpynphai kylliang pyrshah ia ki nong Meghalaya lada ki kam thombor ki dang iai bteng.
Kane ka jingmaham kala mih hadien ka jingjia shah pynjulor ki kali bad shah shoh ki briew ha ka surok Guwahati-Shillong, khamtam ha ki thain Khanapara bad kiwei ki jaka rung, ia kaba la kynnoh donkti da ki nongkyrshan jong ka seng Khasi Students’ Union (KSU) ha ka por ba iakhih ha Shillong.
Ki seng jong ki kali kamai bad ki nongniah ka Assam kila pynlong ia ka jingiakhih bad pakhang ia ka surok ha baroh ki jaka rung sha Assam kynthup ia ka Khanapara bad Jorabat, haba dawa ban leh eiei pyrshah ia kiba donkti ban thombor ia ki kali na Assam bad dawa ruh ia ka jingpahara kaba khlain ia ki kali Assam ba wan rung sha Meghalaya.
Namar kane ka jinglong jingman, u Chaliha ula ong “Ngin sa thoh ia ka histori ba thymmai jong ka jingiakhih lada ki kam thombor kim sangeh noh. Lada donkam, ngin beh krad lut ia baroh ki samla pule ka Meghalaya na Assam”.
Kane ka jingkynthoh jong u kala pynmih ia ka jingsngewkhia halor ka jinglah ban pur kane ka jingkulmar ha Shillong sha Assam, ka ban ktah ia ki samla pule, ki nongtrei bad ki nongshongshnong na Meghalaya kiba sah ha Assam.
, u Nongtrei bhalang (activist) ka Assam Srinkhal Chaliha ula maham ba ka lah ban don ka jingpynphai kylliang pyrshah ia ki nong Meghalaya lada ki kam thombor ki dang iai bteng.){kind=link}