Nongpoh, Nohprah 27 : Ka Ri-Bhoi District kala don mynta ia ka dukan die tiar siat kynthup naduh ki suloi, ki pistol bad ki kuli, ia kaba la plie paidbah hynne ka sngi ba-ar da u MLA ka Jirang Bah Sosthenes Sohtun, kaba don ha Byrnihat.
Ia kane ka dukan die tiar siat bad ki kuli la plie hadien ka jingioh licence na ka Sorkar Jylla bad la tip kyrteng ia ka da ka M/s East India Arms. Ha kane ka sngi la iadonlang ruh u MDC ka Jirang Bah Victor Rani, u Dilip Kharkrang bad kiwei kiwei ki riew pawkhmat.
Haba kren ha ka jingialang, u bah Dilip Kharkrang ula ong ba ia kine ki tiar siat bad ki kuli yn ym die paidbah satia bad ym iano iano ruh lait noh tang kito kiba la ioh ia ka licence na ka Sorkar.
Kine ki tiar siat ki kynthup ia ka suloi double barrel, pistol bad ki kuli katba ia ki stiar siat ba ju pyndonkam da ki bor Pulit ne shipai yn ym die satia hynrei yn die tang sha ki nongshongshnong ka Ri-Bhoi kiba la don licence bala ai da ka Sorkar.
