Shillong, K’lyngkot 12 : U Khliehduh ka Congress Bah Vincent H Pala ha ka sngi Saitjain, ula kynnoh ba arngut na ki 4 ngut ki MLA ka Voice of the People Party (VPP) kila pheil laki laka ha ka por ba ki dang bat ia ka shuki kum ki Chief Executive Member (CEM) ka Khasi Hills Autonomous District Council (KHADC).
Kane kala mih kum ka jingkynthoh pyrshah ia ka jingkynnoh ba dang shen jong u nongaiktien ka VPP Bah Batskhem Myrboh ba ka Congress ka dei ka “jakor sain pyrthei” haba kdew ia ka rai ban weng noh na ka EC ba ialam da ka NPP ha KHADC hashuwa ka elekshon MDC.
“Nga sngew ba ki Nongialam ka VPP kila dei mad hapoh ka District Council. Arngut na ki 4 ngut ki MLA ki dei ki CEM barim bad kila pheil laki laka bad haka jingshisha ki khlem lah pyndep ruh ia ka samoi treikam ba tang shisnem (kum ki CEM). Namar kata, ban ong ba ka Congress ka dei ka jakor sain pyrthei ka pyni ia ka jingsngew kutlad jong ki namar ki nongialam jong ki kim shym la lah leh eiei ha ka por ba ki long kum ki CEM” ong u Bah Pala haba iakren bad ki nongthoh khubor.
Ula kdew ia kane sha u President ka VPP bad MLA ka Nongkrem Bah Ardent M Basaiawmoit bad u MLA ka North Shillong Bah Adelbert Nongrum,kiba la bat ia ka shuki CEM ha ka por ba ki dang don bad ka Hill State People’s Democratic Party (HSPDP) bad ka Khun Hynniewtrep National Awakening Movement (KHNAM).
Haba khein ia ki jingkynnoh ka VPP kum ki bym don nongrim, u Bah Pala ula ong “Kane ka long namar ka Congress kala ai ka jingkyrshan ha KHADC hadien ba weng noh ka UDP n aka EC bad ha kajuh ka por, ka Sorkar Pdeng kala pan jingmut halor ka jingtyrwa ban pynkylla ia ka Sixth Schedule na ka Council kumta ngim don lad pat da kumwei hynrei ban leit rung bad ai ka jingkyrshan ia ka EC ka NPP ha KHADC”.
Ula kam ba ka Congress kala shim ia ka bynta kaba kongsan bha ha KHADC bad ong “Namar haba phi dei ban ai ia ki jingai jingmut halor ka Sixth Schedule, phi donkam ia ki briew kiba la shemphang ban leh ia mkane…hadien ba ngi la pyndep iala ka kamram, ngi la rai ban wengnoh na ka EC ka NPP ha KHADC”.
Nalor kane, u Bah Pala ulakynthoh tyngeh ia u Nongaiktien ka VPP ba kynnoh b aka Congress kan sa iatreilang biang bad ka NPP hadien ka elekshon MDC.
“Ngam ju tip ba u Nongaiktien ka VPP u dei u prophet ba u lah ban batai lypa ba ka Congress kan sa leit iasnohkti biang bad ka NPP. Ka long kaba lehrain ia u nongaiktien ba un kren bad batai lypa ia ka sienjam jong kaCongress. Kumno phin ngeit ia kum kane ka party, ki bym tip eiei ia ka kam jong lajong hynrei kiba nang tang ban tuklar ia ki kam jong ka Congress” ulaong.
Ha kajuh ka por, u Bah Pala ula ong ba ka lyer jong ka VPP ha ka elekshon MP kan ym don jingktah satia ha kane ka elekshon MDC ban wan.
 kila pheil laki laka ha ka por ba ki dang bat ia ka shuki kum ki Chief Executive Member (CEM) ka Khasi Hills Autonomous District Council (KHADC).){kind=link}