Shillong, Nailar 25: Ka Sngi Saitjaiñ kala long ka sngi kaba shongshit haka jingpyniakhun ia ka Meghalaya Youth League 2024 ha kaba ka jingjop jong ki kynhun ialehkai kala wanrah ia ki jingkylla ha ka jingkamai point ha ki group kaba ki don.
Ha ka Zone D la iohi ba ka Pyndengumiong District Sports Association kala ioh biang ban bat iaka kyrdan kaba nyngkong ha ka U-14 da kaba jop da 2-0 ia ka Mawshynrut Sports Association.
Ka Nongstoin District Sports Association kala iakhiad da 1-1 bad ka Eastern Border Sports Association, kumta ka Pyndengumiong mynta kala ioh noh 14 point katba ka Nongstoin kala ioh 13 point.
Ka Mawkyrwat District Sports Association kala pynrem ia ka Tyrsad Area Sports Association da 5-0 ban don ha ka kyrdan kaba 3 da kaba ioh baroh 11 point.
Ha ka U-16, ka Eastern Border kala ioh ia ka jingjop da kaba ialehaki ha ka jaka lajong, da kaba pynrem ia ka Nongstoin da 4-1. Kane kadei ka sien kaba nyngkong ba ka Nongstoin kan mad ia ka jingrem hynrei kala dep pat ban ioh kamai lypa 13 point. Ka Pyndengumiong kala jop da 2-1 ia ka Mawshynrut bad ka Tyrsad kala pynrem da 1-0 ia ka Mawkyrwat.
Kala don tang kawei ka jingiakhun ha ka Zone C, ha ka U-16 ha kaba ka jingiakhun hapdeng ka Riwar Mihngi Football Association pyrshah ia ka Western Ri-Bhoi Sports Association kala kut noh ha ka jingiakhiad da 2-2.
Ka Amlarem Block Sports Association kala khur ia ka jingjop ha ka Group B, da kaba pynrem da 6-0 ia ka Laskein Block Sports Association bad da 3-0 ha U-14 ka U-16. Ka Saipung Block Sports Association kala jop da 1-0 bad 2-1 ia ka East Jaintia District Football Association ha ka U-14 bad U-16.
Ha ka Zone A la sakhi ba ka Tura District Football Association kala pynrem iaka North Garo Hills District Sports Association ha ka U-14 da 4-0 ha kaba u Wanchiang K Marak ula ioh ia ka Hat Trick, katba ha ka U-16 pat, ka North Garo Hills kala pynrem ia ka Tura da 2-0.
Ka Result jong ka U-14 ha ka 24 tarik u Nailar:
Zone A – Ka Tura District Football Association kala pynrem da 4 – 0 ia ka North Garo Hills District Sport Association
Zone B – Ka Saipung Block Sports Association kala jop da 1 – 0 ia ka East Jaintia District Football Association
Zone B – Ka Amlarem Block Sports Association kala pynrem ia ka Laskein Block Sports Association da 6 – 0
Zone D – Ka Tyrsad Area Sports Association kala shah pynrem da 0 – 5 ha ka Mawkyrwat District Sports Association, ka Mawshynrut Sports Association kala shah pynrem da 0 – 2 ha ka Pyndengumiong District Sports Association katba ka Eastern Border Sport Association kala iakhiad da 1 – 1 bad ka Nongstoin District Sports Association.
Ka Result jong U-16 ha ka 24 tarik u NailarAugust:
Zone A – Ka Tura District Football Association kala shah pynrem da 0 – 2 ha ka North Garo Hills District Sport Association
Zone B – Ka Saipung Block Sports Association kala pynrem da 2 – 1 East Jaintia District Football Association, katba ka Amlarem Block Sports Association kala pynrem da 3 – 0 ia ka Laskein Block Sports Association
Zone C – Ka Riwar Mihngi Football Association kala iakhaid da 2 – 2 pyrshah iaka Western Ri-Bhoi Sports Association
Zone D – Ka Tyrsad Area Sports Association kala pynrem da 1 – 0 ia ka Mawkyrwat District Sports Association, katba ka Mawshynrut Sports Association kala shah pynrem da 1 – 2 ha ka Pyndengumiong District Sports Association, ka Eastern Border Sport Association kala jop da 4 – 1 pyrshah ia ka Nongstoin District Sports Association.
