Shillong, Naitung 19: Ki Samla na kylleng ka Jylla kila theh lut ka syep ka syar jong ki ha ki jingkilan met ban pynkhreh ia ka lympung ialehkai ba thymmai bad ka heh tam ka Jylla, ka ban ailad ia ki ba kin tyngshain bad nang jam shakhmat ha ka jingialehkai phutbol.
Kane ka lympung ialehkai ka dei ka Meghalaya Youth Leaque 2004 kaba la pynlong da ka Meghalaya Football Association (MFA) da ka jingkyrshan ka Sorkar Jylla.
Kane ka lympung ban dang sdang thymmai kan dei ka lympung ia ki khynnah U-14 bad U-16. Ki jingialehkai kin sdang naduh lashai ka sngi Saitjain ha ki phra tylli ki madan ialehkai ba don kylleng ki jaka ka Jylla.
Kane ka lympung kaba pher tam jong ka MFA, kan ym dei satia ka lympung ba pynlong ia ki jingiakhun tang hapdeng ki Club hynrei hapdeng ki District Association bala pyniasoh bad ka, ha kaba 20 tylli kin iashimbynta ha kane ka lympung.
Ka jingthmu ha lynti jong kane ka lympung ka long ban pyndonkam ia ka kum ka rynsan ha kaban jied ia ka kynhun ialehkai ki khynnah bad samla lud, ki ban leit mihkhmat ia ka Jylla sha ki lympung hapoh ka Ri.
Ia kane ka lympung la plie da ka jingpyllait paidbah u Myntri Rangbah ka Jylla Conrad k Sangma ia ka Trophy, ha ka jingialang ba long myn ha ka sngi Thohdieng bala lah ha Shillong.
Lashai ka sngi Saitjain, ka jingiakhun kan long ha ki saw tylli ki zone ha kaba yn iohi ia ki kynhun kin iakhun ia ka home-and –away shuwa ba kin shah jied sha ka knockout stage.
Ka jingialehkai jong ka U-14 na ka bynta ka 20 tarik u Jylliew:
Zone A – Tura District Football Association vs Baghmara District Football Association, 1 baje ha Chandmari Artificial Turf
Zone B – East Jaintia District Football Association vs Saipung Block Sports Association; 1 baje ha EJDSA Artificial Playground
Zone B – Laskein Block Sports Association vs Amlarem Block Sports Association, 1 baje ha Pamsna Mini Stadium
Zone C – Shillong Sports Association vs Ri-Bhoi District Sports Association, 11 baje mynstep ha SSA Stadium
Zone D – Nongstoin District Sports Association vs Eastern Border Sport Association; 1 baje ha NDSA Playground
Zone D – Mawkyrwat District Sports Association vs Tyrsad Area Sports Association, 1 baje ha MDSA Playground
Zone D – Pyndengumiong District Sports Association vs Mawshynrut Sports Association; 1 baje ha Dommawlum Playground
Ka jingialehkai jong ka U-16 na ka bynta ka 20 tarik u Jylliew:
Zone A – ym don jingiakhun
Zone B – East Jaintia District Football Association vs Saipung Block Sports Association ha ka por 3 baje ha EJDSA Artificial Playground
Zone B – Laskein Block Sports Association vs Amlarem Block Sports Association, 3 baje ha Pamsna Mini Stadium
Zone C – Shillong Sports Association vs Ri-Bhoi District Sports Association, 1 baje ha SSA Stadium
Zone C – Western Ri-Bhoi Sports Association vs Riwar Mihngi Football Association ha ka por 3 baje ha Jirang Govt Higher Sec School Playground
Zone D – Nongstoin District Sports Association vs Eastern Border Sport Association ha ka por 3 baje ha NDSA Playground
Zone D – Mawkyrwat District Sports Association vs Tyrsad Area Sports Association ha ka por 3 baje ha MDSA Playground
Zone D – Pyndengumiong District Sports Association vs Mawshynrut Sports Association ha ka por 3 baje ha Dommawlum Playground
