spot_img

Meghalaya Youth League 2024 | Nang shongshit ki jingiakhun katba nang iaid ki sngi

Date:

Share post:

Shillong, Nailur 08: Ka Meghalaya Youth League 2024 kaba la pynlong da ka Meghalaya Football Association ha kylleng ki jaka jong ka jylla haka sngi Saitjain kala long kaba shongshit bad itynnad ha kaba kila don ki kynhun kiba khlain kiba dang bteng ban khur ia ka jingjop bad don pat kiba la mad iaka jingrem ha kane ka lympung ialehkai Football U-14 bad U-16.

Ha ka Zone B jong ka U-14, ka West Jaintia District Sports Association bad ka Amlarem Block Sports Association kila jop ha ki jingiakhun ka jong ki da kaba pynrem da 4-0 bad 6-0 pyrshah ia ka Laskein Block Sports Association bad ia ka Saipung.

 

 

Hynrei ha ka U-16, ka Saipung kala pynrem noh ia ka Amlarem da 3-1 bad kala ïoh ban bat ïa ka kyrdan ka baar ha ka kynhun, katba ka West Jaiñtia kala pynrem ia ka Laskein da 7-1.

Ha ka Zone C, ka Sohra Sports Association kala jop ïa ka jingïakhun kaba nyngkong jong ka League da kaba ka la jop da 2-1 pyrshah ïa ka Riwar Mihngi Football Association ha ka U-14.

Ha ka Zone D, ka ka Nongstoin District Sports Association kala pynliem iaka Pyndengumiong District Sports Association da 2-1 ha ka kyrdan U-14 ban ioh bat biang ïa ka kyrdan ba nyngkong, katba haka U-16 ka jingiakhun hapdeng kine ki ar tylli ki kynhun kala kut ha ka jingiakhaid da 2-2 kol.

Ka Mawkyrwat District Sports Association kala pynliem ïa ka Eastern Border Sports Association da 1-0, hynrei ha ka jingïakhun hapdeng ka Tyrsad Area Sports Association pyrshah ïa ka Mawshynrut kala kut noh da ka jingïakhaid da 0-0.
Kam shym la don kano kano ka jingiakhun ha ka Zone A namar ia ki jingialehkai la dep pynialehkai ha ka taiew ba la dep.

Ka Result jongka U-14:
Zone B – Laskein Block Sports Association kala shah pynrem da 0 – 4 ha ka West Jaintia District Sports Association
Zone B – Ka Saipung Block Sports Association kala shah pynrem da 0 – 6 ha ka Amlarem Block Sports Association
Zone C – Ka Riwar Mihngi Football Association kala shah pynrem da 1 – 2 ha ka Sohra Sports Association
Zone D – Nongstoin District Sports Association kala pynrem da 2 – 1 ia ka Pyndengumiong District Sports Association
Zone D – Ka Mawkyrwat District Sports Association kala pynliem da 1 – 0 ia ka Eastern Border Sport Association
Zone D – Ka Tyrsad Area Sports Association kala iakhaid da 0 – 0 bad ka Mawshynrut Sports Association

Result jong ka U-16:
Zone B – Laskein Block Sports Association kala shah pynliem da 1 – 7 ha ka West Jaintia District Sports Association
Zone B – ka Saipung Block Sports Association kala pynrem da 3 – 1 ia ka Amlarem Block Sports Association
Zone C – Ka Riwar Mihngi Football Association kala pynrem da 3 – 1 ia ka Sohra Sports Association
Zone C – Western Ri-Bhoi Sports Association kalashah pynliem da 0 – 2 ha ka Ri-Bhoi District Sports Association
Zone D – Nongstoin District Sports Association kala iakhaid da 2 – 2 bad ka Pyndengumiong District Sports Association
Zone D – Mawkyrwat District Sports Association kala shah pynrem da 3 – 5 ha ka Eastern Border Sport Association
Zone D – Tyrsad Area Sports Association kala shah pynrem da 2 – 3 ha ka Mawshynrut Sports Association

Share post:

spot_img
spot_img

Popular

More like this
Related

Weng ka Sorkar ia ki Pulit na NEHU hadien ba peitthuh ia ka jinglong jingman : DyCM

Shillong, Iaiong 29 : U Symbud Myntri Rangbah ba...

Iaid rally ki samla pule ka NEHU ban pyrshah ia ka jingkem ia u President ka NEHUSU

Shillong, Iaiong 29 : Ki samla pule ka North...

Assam | Lap ia ka metiap u actor najan ka Kshaid ha Guwahati |Suba shah pyniap ki bahaiing

Guwahati, Iaiong 29: U Rohit Basfor, uba dei u...

Kular ka Sorkar ban thungkam noh shen ia ki Pharmacist ha ki kam ba lait

Shillong, Iaiong 29: Ka Meghalaya Pharmacists Association (MPA) ka...