Nongpoh, Nailur 08: U wei u rangbah u la khlad hashen, hadien ba ka kali kaba u niah ka la kylla khongpong bad rynsied palat 73 phut na ka surok Shillong Bypass NH-44 kaba don ha ka shnong Umeit, Ri Bhoi District.
Katkum ka khubor, la iathuh ba une u rangbah u kyrteng u Bah Michael Jones Nohriang (30), na Pyndensohsaw, Mawsynram.
La iathuh ba u Bah Michael ula wan naka thain Shillong da ka kali Hyundai Eon ML 05 J 8818, ban leit sha ka thain Bhoirymbong hynrei hamar ba poi ha ka thain Umeit, ka kali kala kylla khongphong bad rynsied palat 73 phut na surok sha kawei ka jaka rep.
Kane ka jingjia aksiden, ka la jia hynne ka janmiet sngi U Blei por 1:30 nohphai sngi.
Ki Pulit haba ioh jingtip halor kane ka jingjia, ki la leit sha katei ka jaka bad lap ba u tei u rangbah u la khlad. Ia ka met la pynkit noh sha ka jaka buh metiap ha Civil Hospital, Nongpoh.
