Shillong, Nailar 04: Ka West Jaintia District Sports Association kala khur ia ka jingjop haka sngi balai jongka Meghalaya Youth League 2024, ha kaba kala jop don burom ha ka U-14 bad U-16.
Ka WJDSA kala pynrem ia ka Laskein Block Sports Association hynnin ka sngi Saitjain da 5-1 ha ka U-16 bad da 12-0 ha ka jingiakhun ha ka U-14. Ha kine ki jingiakhun kiba la long ha Kiang Nangbah Stadium, Jowai la sakhi ia ka jingioh Hat Trick u Ram Passah bad u Kaisarmi Dkhar.
Hadien artylli ki jingiakhun ka WJDSA kala bat ia ka kyrdan kaba nyngkong ha ka Zone B da kaba ioh khur 6 point ha ka U-14 bad U-16.
Katba ka Ri-Bhoi District Sports Association kala long ka kynhun kaba nyngkong eh ban ioh khur 9 point ha ka U-16 da kaba jop da 5-0 ia ka Western Ri-Bhoi Sports Association ha ka Zone C kaba la long ha Umdihar Mini Stadium.
U Me-u-ba-ai Sumer jongka RBDSA ula long u nongialehkai uba la ioh thep bun kol tam bad haduh mynta ula thep 5 kol.
Kiwei kiwei ki resol jong ki jingiakhun ha ka U-14 ha ka sngi Saitjain ki long kumne harum:-
Zone A – Ka North Garo Hills District Sport Association kala pynrem da 2 – 1 ia ka Tura District Football Association, ha ka jingiakhun kaba la long ha Resubelpara Mini Stadium.
Zone B – West Jaintia District Sports Association kala pynrem da 12 – 0 ia ka Laskein Block Sports Association, ha ka jingiakhun kaba la long ha Kiang Nangbah Stadium.
Zone B – Ka Amlarem Block Sports Association kala iakhaid noh bad ka Saipung Block Sports Association bad ha kane ka jingiakhun kaba la long ha Ladjaplem Football Ground la ia sam noh mar 1 point hapdneg kine ki kyhun.
Zone C – Ka Sohra Sports Association ruh kala iakhaid noh bad ka Riwar Mihngi Football Association ha ka jingiakhun kaba la long ha Mawparo Football Ground.
Zone D – Pyndengumiong District Sports Association kala pynrem da 1 – 0 ia ka Nongstoin District Sports Association ha kajingiakhun kaba la long ha Madan Dommawlum.
Zone D – ka Eastern Border Sport Association kala iakhiad bad ka Mawkyrwat District Sports Association, ha Madan Dewbyrtha bad ha ka Zone D – ka Mawshynrut Sports Association kala pynrem da 3 – 1 ia ka Tyrsad Area Sports Association ha ka jingiakhun kaba la long ha Madan Riangdo.
Ha ka jingiakhun ha ka U-16:
Zone A – Ka North Garo Hills District Sport Association kala iakhaid 1 – 1 bad ka Tura District Football Association, ha Resubelpara Mini Stadium.
Zone B – Ka West Jaintia District Sports Association kala pynrem da 5 – 1 ia ka Laskein Block Sports Association ha Kiang Nangbah Stadium.
Zone B – Ka Amlarem Block Sports Association kala iakhiad da 2 – 2 bad ka Saipung Block Sports Association ha ka jingiakhun kaba la long ha Ladjaplem Football Ground.
Zone C – Ka Sohra Sports Association kala iakhiad bad ka Riwar Mihngi Football Association ha ka jingiakhun kaba la long ha Mawparo Football Ground.
Zone C – Ka Ri-Bhoi District Sports Association kala pynrem da 5 – 0 ia ka Western Ri-Bhoi Sports Association, ha ka jingiakhun kaba la long ha Umdihar Mini Stadium.
Zone D – Ka Pyndengumiong District Sports Association kala iakhiad da 2 – 2 bad ka Nongstoin District Sports Association ha Madan Dommawlum.
Zone D – Ka Eastern Border Sport Association kala pynrem da 3 – 0 ia ka Mawkyrwat District Sports Association ha ka jingiakhun kaba la long ha Madan Dewbyrtha bad ha ka Zone D – Ka Mawshynrut Sports Association kala iakhiad da 2 – 2 pyrshah ia ka Tyrsad Area Sports Association ha ka jingiakhun kaba la long ha Madan Riangdo.
