Shillong, May 15: Ka Umrit SC bad ka Mulait United hynne ka Lah Sngi u Blei kila mad iaka jingjop, ha ka jingiakhun iaka Football jongka Meghalaya State League 2023.
Ha ka jingiakhun ha nongbah Shillong kaba la long ha Madan jong ka MFA, ka Umrit SC kala pynliem iaka Seng Samla Laitryngew, da 3-1 Kol.
U Khimlang Thangkhiew ula thep ia ka kol kaba nyngkong ha ka minit kaba 26 katba u Wanroyshang Sangma ula thep iaka kol ha 45’+2 bad ha minit kaba 53 na ka bynta ka Umrit SC.
Ka SS Laitryngew kam shym la duh jingkyrmen hynrei kala iakhun bha bad ha ka minit kaba 68 minit u Ferenstar Kharkongor ula ioh ban thep ia ka kol bad ula dei ruh ban ioh thep ia ka Hat Trick ha ka minit kaba 61 hynrei u nongap bak jong ka Umrit ula ioh ban kah noh ia ka bol ban rung shapoh kol bad haka minit kaba 81 ula ioh biang iaka lad hynrei ym shim la lah ban thep shapoh kol.
Ha ka Group D kaba la long ha Chandmari Ground Tura, kaba la long hapdeng ka Selsella Sports Association pyrshah iaka Wasa FC kala kut ha ka jingiakhaid da 1-1.
Ha ka kylla step ka Wasa FC kala ioh ban thep ia ka kol ha ka minit kaba 37 ia kaba la thep da u Threebirth Momin bad kane ka kynhun kala khmih lynti ban jop ia kane ka jingiakhun hynrei haka minit kaba 68 ka Selsella kala ioh ban pyniakhaid da kaba thep shi kol.
Ha Mawkyrwat ha madan MDSA Ground, ka jingiakhun ha ka Group C, kala long hapdeng ka Seven United SCC pyrshah iaka Lumdiengngan SC bad kane ruh kala kut haka jingiakhaid da 2-2.
Ha ka Group B kaba la long ha Kiang Nangbah Stadium, Jowai, ka Mulait United kala pynliem iaka Youth Club Pdengkarong da 2-1 kol.
Ha ka minit kaba 28 u Marshial Nongrum ula pyllait ia ka bol ha u Wanbor Langshiang bad ula ioh ban thep ia ka kol na ka bynta ka Youth Club Pdengkarong hynrei tang hadien 4 minit u Bing Chyrmang ula ioh ban thep ia ka Kol ha ka minit kaba 32 na ka bynyta ka Mulait bad ha ka minit kaba 53 u Wantiwjune Buam ula ioh ban thep ia ka kol na ka bynta ka Mulait kaba la pynlong syndon iaka Mulait ban jop ia kane ka jingiakhun.
Ka jingiakhun haka sngi Baar
Ha ka Group A, ha Shillong, ka Umkseh SC pyrshah iaka Langsning SC ha ka por 3 baje nohphai sngi.
Ha ka Group B ha Jowai ka Rangdajied United FC kan iakhun pyrshah iaka Ladthadlaboh SC ha ka por 2:30 nohphai sngi
Ha ka Group D, Tura ka jingiakhun kan long hapdeng ka Atong Matgrik FC pyrshah iaka Khliehmawlieh YC ha ka por 3 baje nohphai sngi.
