Tura, K’lyngkot 16 : Ha ka sngi sdang jong ki jingialehkai basketball ka 5th Meghalaya Games ba long ha Don Bosco College, Tura hynne ka sngi Ba-ar, ka kynhun ialehkai ki Kynthei ka South West Khasi Hills (SWKH) kala khur ia ka jingjop pyrshah ia ka East Jaintia Hills (EJH) haduh 32-2 point.
Ka jingkhlain bor ka kynhun ka SWKH kala paw naduh ba sdang ka jingiakhun bad shim kabu ruh ia ki khyndai tylli ki freeshot ha kaba ka samla ba phong jersey no.77 kala lah ban thep haduh 8 tylli ia ki.
Ha kiwei pat ki jingiakhun ki kynthei, ka Ri-Bhoi District kala jop pyrshah ia ka South Garo Hills da 33-11 point.
Ha ka jingiakhun ba nyngkong jong ki shynrang, ka West Garo Hills kala pynliem ia ka East Jaintia Hills da 57-42 point.
Ha ka jingiakhun kaba ar, ka South West Garo Hlls (SWGH) kala iakhun pyrshah ia ka West Jaintia Hils (WJH) ha kaba ka WJH kala ioh ia ka jingjop da 79-49 point.
