Nongpoh, Nohprah 05 : Ka Ribhoi District Sports Association (RBDSA) kala pynkhreh shaid shaid ban sei ia ki rang bad ki thei ialehkai ki ban leit iashimbynta sha ka 6th Meghalaya Games bad don jingthmu ruh ban phah ia ki nongjngi ba don sap ban iakhun ha ka jingiakop Jngi.
Ka RBDSA mynta kala sdang ia ka trial cum selection kaba ar-sngi ban jied ia ki rang bad ki thei ialehkai kiba don sap ha ka kam ia mareh.
Kane ka trial cum selection la pynlong ha madan ialehkai ka Raid Marngar bad la wan ban aimynsiem ia ka da ka jingiadon ryngkat u President ka KSU North Khasi Hills Bah Ferdinald Kharkamni ha ka jingiadonlang u President ka RBDSA Bah RB Shadap, Bah Rangkynsai Makdoh bad kiwei kiwei.
U President ka RBDSA u la pyntip ki la don haduh 100 tam ngut ki khun samla kynthei bad shynrang kiba la iapoi sha kane ka trial hynne ka sngi bad na kitei yn jied tang 15 ngut ki kynthei bad 15 ngut ki shynrang ki ban sa leit ban iashim bynta haka Meghalaya Game kaba 6 ka ban sa long ha u bnai ba kyllalyngkot.
U Bah RB Shadap u la pyntip ruh ba naka liang ka RBDSA kan ïa shim bynta haki 4 tylli ki jait jingialehkai kata ha ka Athletic, Football, Swimming bad haka Archery.
U la pynpaw ruh iaka jingkmen kaba khraw ba ka RBDSA ka la dep ban pynlong ïaka jingjied iaki nongiakop jngi ha ki sngi kiba la leit bad kane kan long ruh ka sien kaba nyngkong ha kaba ka RBDSA kan pynmih iaki rang bad ki thei ki ban ia shim bynta na Ribhoi haka jingiakop jngi ha kane ka Lympung Meghalaya Game.
 kala pynkhreh shaid shaid ban sei ia ki rang bad ki thei ialehkai ki ban leit iashimbynta sha ka 6th Meghalaya Games bad don jingthmu ruh ban phah ia ki nongjngi ba don sap ban iakhun ha ka jingiakop Jngi.){kind=link}