Tura, K’lyngkot 16 : Ka jingiakop iasiat suloi jong ka 5th Meghalaya Games kala sdang hynne ka sngi Ba-ar ha madan siat suloi ka 2nd Battalion, Goeragre, ha kaba haduh 53 ngut kila iashimbynta na ki 12 tylli ki District.
Kane ka jingiakop siat suloi ka don haduh 13 bynta bad kine ki kynthhup ia ka Short Range: 10 meters Air Rifle (Men Individual, Women Individual), 10 meters Air Pistol (Men and Women Individual).
Ha ka Long Range category, ki jingiakop siat ki kynthup ia ki shynrang ba 25 meter Standard Pistol (Men Individual), 25 meters Sports Pistol (Women Individual), 50 meters Men Pistol, 50 meters Rifle Prone, 50 meters Open Sight (Open to all), bad 10 meters Mixed Team.
Kiba wan ba nyngkong bad ba-ar kin iakhun ban ioh khur ia ka takma ksiar bad rupa katba kiba lai bad ba saw kin iakhun ia ka rnong.
Ka jingiakhun jong baroh kine ki category kila sdang hynne ka sngi Ba-ar.
