Tura, K’lyngkot 14: Ka Meghalaya Games 2024 kala ioh ia ka jingialehkai phutbol ba nyngkong ban kut ha ka jingiakhaid hynne ka sngi U Blei hapdeng ki thei ialehkai U-18 ka West Khasi Hills bad ka South West Khasi Hills, kaba long ha Chandmari Football Ground, Tura.
Naduh ba sdang jong ka jingiakhun, baroh artylli ki kynhun kila ialehkai bha bad kila pyni ia ka sap ialehkai kaba la pynbyrngia shibun ia ki nongpeitkai ba kin ym khih na ki jaka shong.
Ka kylla step kala sakhi ia ka jingiakhun ba iakhaid ha kaba baroh arkynhun kila ioh ban pynkhih ia ka jar mar 1-1 kol.
Ha ka kylla miet, ki kynhun kila iakhun dohiap ha madan ban ioh tam shakhmat hynrei ka jingsatar ha baroh arliang kala pynkut ia ka jingiakhun ha ka jingiakhaid haduh ba put ia ka jingput pynkut.
Kane ka jingiakhun kala kut da 1-1 kol bad baroh arkynhun kila ioh khur mar shi point.
