Tura, Kyllalyngkot 16 : Ka East Khasi Hills kala wan hakhmat duh ha ka jingioh khur iaka Takma Ksiar ha ka Meghalaya Games haduh hynne ka sngi Baar, da kaba ioh khur haduh 17 tylli ki Takma Ksiar katba ka West Garo Hills kala wan baar da kaba ioh khur 4 tylli ki Takma Ksiar.
Ka EKH kala ioh khur 42 tylli ki Takma kaba kynthup 17 tylli ki Takma Ksiar, 11 tylli ki Takma Rupa bad 14 tylli ki Takma Rnong katba ka WGH kala khur 4 tylli ki Takma Ksiar bad 2 tylli ki Takma Rnong.
Ka South West Khasi Hills kala wan balai da ka jingioh khur 3 tylli ki Takma Ksiar, 6 tylli ki Takma Rupa bad 6 tylli ki Takma Rnong, katba ka West Jaintia Hills kala khur 3 tylli ki Takma Ksiar, 3 tylli ki Takma Rupa bad 3 tylli ki Takma Rnong.
Ka Ri Bhoi District ruh kala ioh khur 3 tylli ki Takma Ksiar, 2 tylli ki Takma Rupa bad 5 tylli ki Takma Rnong.
Katba 5 tylli ki District kiba kynthup ia ka West Khasi Hills, East Jaintia Hills, East Garo Hills, South West Garo Hills bad North Garo Hills kila ioh khur tang iaka Takma Rupa bad Takma Rnong.
Ka Eastern West Khasi Hills bad ka South Garo Hills kim pat ioh khur satia ia kano kano ka Takma.
Kine ki takma ki dei kiba la sam hadien ba pyndep ia ka jingiakop jngi, athletic, taekwondo, wrestling bad archery.
