Shillong, K’Lyngkot 12: Ka jingiakhun ba nyngkong jong ka U-18 girls football competition jong ka 5th Meghalaya Games 2024 ka long kaba phylla namar ka West Jaintia Hills kala pynmih tang 8 ngut ki thei ialehkai.
Jan da kut ka jingialehkai, ka West Jaintia Hills kam shym la lah ban pyndap Player namar ki duna haduh 3 ngut ki Player.
Ka jingiakhun hapdeng ka East bad West Jaintia Hills kala sdang haka por 8 baje mynstep ha Chandmari football ground Tura hynrei ka West Jaintia Hills kam shym la lah ban pyndap Player bad kane kadei hadien ba ki nongpyniaid iaka jingiakhun kila shem ba ki Player ki khlem lah ban pynbiang iaki kot jingdonkam kum ki Aadhar, NOC bad kiwei kiwei ki kot ban pynshisha.
Ha kane ka jingiakhun ka East Jaintia Hills kala shim kabu, bad kala lah ban thep haduh 7 Gola pyrshah iaka West Jaintia Hills.
Hadien kane ka jingshah rem, ka West Jaintia Hills ka don jingkyrmen ban pynliem iaka Ri-Bhoi haka jingiakhun ka ban long haka 14 tarik mynta u bnai katba ka East Jaintia Hills kan kynduh iaka Ri Bhoi haka 16 tarik mynta u bnai.
