Shillong, Rymphang 27: Hadien ba ki paidbah ka jylla hynne ka sngi kila pyndep iala ka hok ban jied ia ki nongmihkhmat shaka iing dorbar thawain ka jylla, kala don ka jingbatai lypa ia kaei ka resol kaba lah ban mih haka 2 tarik u Lber kaba dei ka sngi niew vote bad katkum ki Exit Poll la kdew ba ka NPP kan de ika seng kaban jop bun tylli ki Seat ha ka Election MLA 2023.
Katkum ka Exit Poll la kdew ba u Conrad K. Sangma uba ialam iaka National People’s Party (NPP) kan dei ka seng kaban jop haud 20-24 tylli ki Seat bad ka don ia lad ba kan bteng ban ialam biang iaka sorkar jylla hynrei ka NPP kan ym lah pat ban jop ki kyrtong palat iaka 31 ngut ban thaw sorkar marwei bad yn hap ban thaw iaka sorkar synroplang.
Ka seng kaba lah ban wan Baar kadei ka Trinamool Congress (TMC), kaba lah ban jop haduh 8-14 ngut ki kyrtong.
Ha ka jylla Meghalaya ki don 60 tylli ki Constiyuency bad ban thaw iaka sorkar marwei donkam ban jop 31 ngut ki kyrtong.
Ka jingpynlong iaka elekshon hynne ka nsgi kala long tang ia ki 59 tylli ki Constituency namar iaka Sohiong ym shim la pynlong namar ka jingkhlad noh jong u Bah HDR Lyngdoh uba long u kyrtong ka UDP ha ka 20 tarik mynta u bnai bad ka ECI kam pat pynbna iaka tarik ban pynlong ia ka elekshon ha kane ka Constituency.
Ka Election Commission of India (ECI) kala khang pyrshah ban pynmih iaka Exit Poll haduh ka 7 baje mynmiet jong ka 27 tarik u Rymphang.
U Shlem haba peit ia ki Exit Poll kaba la leh da ki kynhun bapher kum ka India Today-My Axis India, Zee News-Matrize bad Peoples Pulse-Big TV bad Times Now-ETG.
Katkum ka Peoples Pulse-Big TV Exit Poll: Ka NPP ka lah ban ioh 17 – 26 seat, ka TMC kan 10 – 14 seat, UDP kan ioh 8 – 12 seat, ka BJP kan ioh 3 – 8 seat, ka Congress kan ioh 3 – 5 seat, ka VPP 1 – 2 seat, ka PDF 1 – 2 seat, HSPDP 1 – 2 seat, ka GNC 0 – 1 seat bad kiwei kiwei 1 – 2 seat.
Katba ka Zee News-Matrize kala buh ba ka NPP kan jop 21-26 seat, ka BJP 6-11 seat, 8 – 13 ia ka TMC bad 3-6 seat iaka Congress bad 10-19 seat ia kiwei pat.
Ka India Today-My Axis India kala buh ba ka NPP kan jop 18-24 seat, ka Congress kan ioh 6-12 seat, ka BJP kan ioh 4-8 seats bad kiwei kiwei kin ioh 17-29 seat.
Na ka liang jong ka TimesNow-ETG kala buh ba ka NPP kan ioh 18-26 seat, ka TMC bad ka UDP kin ioh mar 8-14 seat bad 3-6 seat iaka BJP bad ia kaba tam yn leit sha kiwei pat ki seng sain pyrthei bad ki kyrtong shimet.
Hynrei kitei ki jingbuh ne jingiathuhlypa jong ki Exit Poll kim long kiba paka ne thikna hynrei ki ai pat iaka buit ban sngewthuh kumno ka resolt kan long haka 2 tarik u Lber.
Ki jinglap bad ki Daw
Ka Peoples Pulse–Big TV kala pynlong iaka Exit Poll haka 27 tarik u Rymphang haki 15 tylli ki Constituency da kaba pynshong nongrim katkum ka Probability Proportional Methodology (PPS) ha kaba la jied ia ki 4 tylli ki jaka thep vote ha kawei ka Constituency.
Na kine ki jaka thep vote la shim ia ki ‘Sample’ bad na kawei ka Jaka Thep Vote la shim haduh 20 tylli ki Sample bad baroh ki sample kiba la lum ki long 1200 tylli ban tip iaka jinglong jingman ha kaba iadei bad ka jinglong riewlum, niam bad ka rta, ka jingailad ban don bynta lang ki kynthei bad shynrang.
Na ka bynta ka seng NPP, ka Exit Poll kala pynpaw ba kawei na ki dawbah jong kane ka seng, kadei ba ki paidbah ki niew burom ia u (L) PA Sangma uba long u nongseng jong ka NPP bad udei uba ki paidbha haduh mynta ki dang burom bha khamtam ha rilum Grao bad ka iing ka sem ka jongu kadei kaba lah bha ban pynkohnguh bad ioh iaka jingkyrshan na ki paidbah ka rilum Garo.
Lada dei ba kam ka kam bamsap kaba long kawei na ki ishu, ka seng NPP kala dei ban nang khlain shuh shuh.
Ka Trinamool Congress (TMC) kadei ka kynhun jong ki 12 ngut ki MLA kaba la ialam da u Myntri Rangbah barim ka jylla u Dr. Mukul Sangma ia kaba la niew ia u kum uta u nongialam ba radbah uba ar hapoh ka rilum Garo hadien jong u (L) PA Sangma.
U kren bun jait ki ktien ha kaba u lah ban iadei bha bad ki jaidbynriew bapher bapher. Hynrei ka jingkynnoh ba ka seng TMC kadei kaba nabar ka jylla kala ktah ia ka dur ka dar jong ka seng bad kam shim la lah ban suhthied bha hapoh ka rilum Khasi bad Jaintia kiab don haduh 36 seat.
Ha kaba iadei bad ka BJP, la shim ba kadei ka seng kaba pyrshah ia ki Khristan bad ki kyrtong ka BJP kin jop iaka elekshon ym ha ka kyrteng jong ka seng hynrei kadei hi na ki kam shimet kaba ki trei kum ki kyrtong bad na ka jingpawnam ka jong ki.
Ka jingiakhuh hapoh rilum kan long hapdeng ka NPP bad Trinamool Congress katbaha rilum Khasi bad Jaintia Hills kaba don 36 seat ka jingiakhun ka long hapdneg bun tylli ki seng saiñ pyrthei kumba ju long ha ki elekshon ha ki por bala dep.
Haba peit kyllum lang haka jylla baroh kawei, ka jylla Meghalaya kan ym ioh iaka seng kaban thaw sorkar marwei hynrei kan shong ha ka jingiapynbeit jong ki seng saiñ pyrthei bapher ha kano ka dur kin thaw iaka sorkar synroplang hadien bala dep pynbna iaka resol haka 2 tarik u Lber.
