-->

MCA U-16 Inter District Tournament | Sdang ka Eastern West Khasi Hills da ka jingjop ba 9 wicket

Date:

Share post:

Shillong, Iaiong 15 : Ka Eastern West Khasi Hills District Cricket Association (EWKHDCA) kala ioh ia ka jingjop da 9 wicket pyrshah ia ka West Jaintia Hills District Cricket Association (WJHDA) ha ka jingiakhun ba nyngkong jong ka Zone-I ka MCA U-16 Inter-District Tournament 2025, kaba long ha Mukhla Mission, West Jaintia Hills hynne ka sngi Ba-ar.

Ka EWKHDCA ka dei ka District Cricket Association ba dang thymmai ka ban pyniasoh bad ka Meghalaya Cricket Association (MCA) bad kila pynjem khnap ia ki nongtied ka WJHDCA kaba la jied ban tied nyngkong hadien ba jop ia ka jingkynting pisa.

Kane ka rai kam shym la iarap satia ia kane ka kynhun ka WJH, kaba la shah pynhap lut ki wicket tang da ka jinglah kamai ba 30 runs ha ki 16 over. Ym don satia uwei ruh na ki nongtied ban ioh kamai palat ia ka 10 runs katba u nongkawang bol ka EWKH Dabetbhalang Kharjana (3/2 ha ki 3 over) bad Keeperwellson Sun (3/12 ha ka 6 over) kila shim 6 wicket hapdeng jong ki katba ia ki 4 ngut kiwei pat la pynhap wicket da ka jingrun out.

Ka EWKH kala hap tang shi wicket ha ka jingbeh ia ka thong khlem kano kano ka jingeh, Kila pyndep tang hapoh ka 11.2 over ban poi sha ka thong ha kaba u Dabetbhalang (16 run khlem out na ka 10 ball) ula thlieh ia ka six ban pynpoi ia ka kynhun sha ka thong.

Ka Shillong Cricket Association A kan iakynduh ia ka West Khasi Hills DCA ha ka jingiakhun ka ban long la sngi Balang ha ka por 8:30 baje mynstep.

Share post:

-->
spot_img

Popular

More like this
Related

Kam u Heh AICC ba kwah iasoh Congress ki Nongialam ki Party ba synshar ha Jylla

Shillong, Risaw 29 : U Heh ka AICC ba...

U-19 Women’s T20 Trophy | Pynliem ka Meghalaya da 20 run ia ka Arunachal Pradesh

Shillong, Risaw 29: Ka kynhun ki thei ialehkai U-19...

Kyntait u Zenith ban batai antad ia ki sienjam ba mut shim u Dr Mukul Sangma

Shillong, Risaw 29 : U MLA barim ka Rangsakona...

Pynthikna ka AICC bym don jingthmu ban bujli ia u Bah Vincent kum u President ka MPCC

Shillong, Risaw 29: U AICC in-charge ka Meghalaya Dr...