Shillong, Jymmang 5: Ka pass percentage jong baroh ha ka Commerce stream ka long 81.28% katkum ka of the results ba la pynbna mynta ka sngi da ka Meghalaya Board of School Education (MBOSE) mynta ka sngi Nyngkong.
Napdeng ki 2,501 ngut ki samla pule kiba iakhun ia ka exam bad kiba pass baroh ki long haduh 2,033.
Ka West Khasi Hills kala wan sha khmat ha kaba iadei bad ka jinglah ban leh bha da ki samla pule jong ka district ha kaba kala ioh haduh 92.3% ka pass percentage, bud pat sa ka East Jaintia Hills (92.45%)bad ka Eastern West Khasi Hills (88.29%).
Ha kajuh ka por kiwei pat ki district kum ka South West Garo Hills (38.46%) bad ka North Garo Hills (64.1%) kaba la ia ka jingduna bha ha kaba iadei bad ka pass percentages. Katba ha South Garo Hills ym shym la don ki samla pule kiba la registered ha kane ka stream.
Haba ia nujor ha kaba iadei bad ka jingpass bha hapdeng ki samla pule Shynrang bad Kynthei, sa shisien pat ki samla kynthei kila kham tyngshain bad pass bha ban ia ki shynrang kiba ioh haduh 86.61% katba ki shynrang pat ki ioh 83.62%. Kane kajuh hi ka bteng biang ha kaba iadei bad ka non-regular category, ha kaba ki ioh 49.5% ki samla kynthei katba ki shynrang ki ioh 40.47%.
Baroh kiba iakhun kum ki regular candidate ki long haduh 2,274 ngut kiba leh ia ka eksamin bad hapdeng kine kumba 1,932 ngut kiba pass bad ka pass percentage ka long 84.96%. Ha kawei ka liang tang 101 hapdeng ki 227 ngut kiba pass kiba dei ki non-regular bad ka percentage ka long 44.49%.
