Shillong, Jymmang 05 : Ka South West Garo Hills kala wan nyngkong eh na ki District ha ka jingpass bha ki samla pule ha ka eksam Higher Secondary School Leaving Certificate (HSSLC) jong ka Science Stream-kaba kot haduh 100%.
Ki samla pule kiba iakhun ia ka eksam jong ka science stream ki long 3922 ngut bad napdeng kine, 3253 ngut ki la pass, kaba kot 82.94%.
Napdeng ki District, ka South West Garo Hills kala ioh haduh 100% kiba pass bad ki samla pule ba iaka eksam ki long 33 ngut baroh lang.
Kaba bud nadien ka dei ka East Jaintia Hills kaba kot 96.15%, ka West Khasi Hills-96.00%, bad West Jaintia Hills-88.75%.
Ha kawei ka liang, ka East Garo Hills kala kot-63.57% bad ka South West Khasi Hills ka dei kaba duna eh bad kot-68.57%.
Ha kane ka eksam ruh, ki samla kynthei kila pass bha ban ia ki shynrang. Na ki 2224 ngut ki samla kynthei ba ialeh Redular, 1901 ngut kila pass kaba kot ia ka 85.94%. Na ki shynrang ba ialeh Regular, 1183 ngut na ki 1423 ngut ki la pass, kaba kot ia ka 83.13%.
