Shillong, Jymmang 05 : Ka Meghalaya Board of School Education (MBoSE) ha ka sngi Nyngkong, kala pynbna ia ka result jong ka eksam Higher Secondary School Leaving Certificate (HSSLC) 2025 jong ka Arts stren ha kaba kiba pass baroh ki kot 82.05%.
Haduh 22835 ngut ki samla kila iakhun ia kane ka eksam bad napdeng kine, 18,736 ngut kila pass. Ki samla kynthei sa shisien kila leh bha ban ia ki shynrang la ka dei ha ka Regular ne ki Non-Regular.
Na ki District, ka Eastern West Khasi Hills kala wan hakhmat eh ha ka jingpass bha ki khynnah kaba kot haduh 92.70%. Ki samla kiba pass ia ka eksam na ka district ki long 711 na ka 767 ngut. Kaba bud hadien ka dei ka East Khasi Hills ha kaba haduh 7239 ngut kila pass na ki 7939 ngut, kaba kot 91.18%.
Ka East Jaintia Hills kala pass bha bad kot ia ka 90.16%.
Kiba wan shadien ki dei ka South Garo Hills bad ka North Garo Hills kiba ka jingdon kiba pass ka kot 64.53% bad 64.55%.
Ka result kat kum ki District :
•East Khasi Hills: pass 7,239 na ki 7,939 (91.18%)
•West Khasi Hills: pass 923 na ki 1,029 (89.70%)
•Ri-Bhoi: pass 1,557 na ki 1,840 (84.62%)
•West Garo Hills: pass 2,479 na ki 3,600 (68.86%)
•East Garo Hills: pass 862 na ki 1,186 (72.68%)
•South Garo Hills: pass 371 na ki 562 (66.01%)
•South West Khasi Hills: pass 466 na ki 602 (77.41%)
•West Jaintia Hills: pass 2,279 na ki 2,675 (85.20%)
•East Jaintia Hills: pass 522 na ki 579 (90.16%)
•North Garo Hills: pass 752 na ki 1,165 (64.55%)
•South West Garo Hills: pass 575 na ki 891 (64.53%)
•Eastern West Khasi Hills: pass 711 na ki 767 (92.70%)
