MBoSE Exam | Pynkhreh ka Sorkar ia ka song ba kyrpang ban iarap ia ki District ba shatdong

Date:

Share post:

Shillong, Risaw 02 : Ka Sorkar Jylla kala pynkhreh ban wanrah ia ka song ba kyrpang kaba thmu ban kyntiew ia ki District kiba ju duna bha ha ka jingpass ki khynnah ia ki Eksam ka Meghalaya Board of School Education (MBoSE).

Ia kane ka song ba kyrpang yn sa pyllait hapoh ka “CM Impact Programme”, ong u Myntri ka tnad Pule Puthi Rakkam A Sangma.

“Ngi la dep ithuh ia ki District kaba ka jingpass ki khynnah, khamtam ha ki eksam ka Board, kam da long kaba ihun. Ngi la shna ia ka prokram ba kyrpang ban leh eiei halor kane” ong u Rakkam.

U Myntri ula pyntip ba ka Sorkar kala shim ia ki buit treiam bapher bapher ban kyntiew ia ka jingpass jong ki khynnah, kynthup ia ka jingailad ia ki khynnah ba kin iakhun ia ka eksam haduh arsien ha ka shisnem.

Haba kren halor ka bynta jong ki nonghikai bad ka jinglong jingman ha ki skul, u Rakkam ula ong “Ki nonghikai ki donkam ban pyniajan bha bad ki khynnah bad ki skul ki dei ban wanrah ia ka jinglong jingman kaba pynsngewtynnad ia ki khynnah ha ka jingai jinghikai”.

Ha u snem 2024, ka jingpass jong ki khynnah ha kai eksam ka MbOSE ka long- Ki klas X ka long 55.80% katba ha ka klas XII ka jingpass ka kot 79.76% kaba hiar na ka 80.30% ha u snem bala lah.

Share post:

spot_img

Popular

More like this
Related

Assam | Thlim mih ka jingkular na ka kam tih shyiap be-ain | Mynsaw 4 ngut ki Pulit, shah kem 34 ngut

Guwahati, Iaiong 26: Ka jingïakynad kaba jur kala jia...

Assam | Shah kem 17 ngut na kylleng ki Jylla NE ba kynthoh pyrshah Ri halor ka jingjia Pahalgam

Guwahati, Iaiong 26: Kumba khat hynniew ngut ki riew...

Buh dak jingkylli ka HITO ia ka Shillong Citizen Forum | Dei ban leh tyngeh ba phah khang khyrdep ia ki dukan

Shillong, APR 27: Ka Hynñiewtrep Integrated Territorial Organization (HITO)...

Assam | Kyntu u CM ka Assam ia ka Sorkar India ban leh tyngeh kumjuh ia ka Bangladesh

Dibrugarh, Iaiong 27: U Myntri Rangbah ka Jylla Assam...