Imphal, Jylliew 28 : U Nongialam ka Congress Rahul Gandhi un sa leit iuhkhat ha Manipur ha ka sngi Palei bad sngi Thohdieng (29 bad 30 tarik) bad un iakynduh ruh ia ki lanot kiba la phet nala ki jong ki iing ki sem bad ki shnong ki thaw kiba shongrieh tngen mynta ha ki jaka ba shipor ha kylleng ki District ka Jylla.
Ha kane ka jingleit iuhkjat, u Rahul un leit jngoh ia kine ki lanot bad un pynlong ruh ia ka jingiakynduh bad ki nongmihkhmat jong ki kynhun bapher bapher ha Imphal bad Churachandpur, ong u General Secretary ka Congress KC Venugopal hapoh ka twitter.
Ula ong ruh “Ka Manipur kala pluh mynta la jan arbnai bad ka donkam palat ia ka kti jingpynkoit khnang ba ka imlang sahlang kan lah ban jam na ka jingiakynad sha ka jingsuk”.
Ka Manipur kala don hapdeng ka thma iapher jaidbynriew naduh ka 3 tarik Jymmang hadien ka jingiakynad kaba mih hapdeng ki jaidbynriew Meitei bad ki paid riewlum Kuki.
Haduh mynta, kane ka thma iapher jaidbynriew kala shim ia palat 110 tylli ki mynsiem briew bad pynphetwit ia bun hajar ngut ki briew.
Ha kajuh ka por, une u Nongialam ka Congress Rahul Gandhi, ula buh dak jingkylli ia ka jingsngap jar jar jong u Myntri Rangbah Duh Narendra Modi halor ka jinglong jingman ha Manipur.
Ula thoh dang shen ha twitter “La khot ia ka All Party Meeting ha ka por ba u Myntri Rangbah Duh um shym don satia hapoh ka Ri. Kala shai…kane ka jingialang kam dei satia kaba kongsan ia u Myntri Rangbah Duh”.
Ia kane ka jingialang ki seng sain pyrthei la pyniaid da u Myntri kam Pohiing ka Ri u Amit Shah ha ka 24 tarik Jylliew.
Pule ruh: Manipur: Pyllait u CM ia ka song jingiarap ia ki phetwir da ka pisa mar T. 1000 shikhlieh
 bad un iakynduh ruh ia ki lanot kiba la phet nala ki jong ki iing ki sem bad ki shnong ki thaw kiba shongrieh tngen mynta ha ki jaka ba shipor ha kylleng ki District ka Jylla.){kind=link}