Imphal, Jylliew 4: Ka kynhun ki runar kila hiar thma ia ka Iingsah u MLA ka Congress Ranjit hynne ka step phyrngap jong ka Sngi U Blei bad kila wiang ding ia kane ka Iing bad ia ki kali ba don ha phyllaw ka Iing.
Kane ka jingjia kala jia ha ka por 2:30 baje myntsep ha artylli ki shnong ha ka thain Sugnu bad Kakching District.
Ka khubor ka iathuh ba ka Iingsah u Ranjit kala shah wiang ding bad julor malu mala bad ki kali kynthup ka pikup trok kala julor jur ha kane ka jingjia.
Dang ha ka sngi thohdieng, ka 3 tarik Jylliew, 4 ngut ki MLA kynthup ia lai ngut na ka BJP M Rameshwor, U Deben, Y Radheshyam kila shah set hapoh ka Congress Bhavan ha Sugnu Bazaar, ha ki trai shnong. Kane ka la jia ha ka por 4:30 baje janmiet.
U Ranjit u dei uwei na ki 4 ngut ki MLA u bym dei na ka BJP.
Ha kane kajuh ka sngi, kala mih ruh ka jingther kuli na ki kaikhlaw Kuki sha ki nongshongshnong ha kylleng ki jaka jong ka Jylla. Ka khubor ka iathuh ba haduh 15 ngut ki briew kila mynsaw bad arngut ki don hapdeng ka jingshitom kaba jur.
Ia kine kiba mynsaaw la pynkit mar mar sha Regional Institute of Medical Sciences (RIMS).
