Imphal, Nailur 23: Hadien ka jingshah khang Internet kaba la sdang naduh 3 tarik Jymmang 2023, ka sorkar jylla Manipur hynne ka sngi kala shim rai ban pyllait biang iaka bor Internet hadien ka jingbishar bniah iaka jinglong jingman ka shong suk shong shngain hapoh kane ka jylla.
Lah ban kdew ba iaka jingkhang Internet la shim hadien bala bishar bniah iaka kaiphod bala phah da u Director General of Police (DGP), Manipur daka ba kdew iaka jinglong jingman ka shong suk shong shngain hapoh kane ka jylla bad iaka jingkhang iaka bor Internet la pynjlan katto katne sien kat haduh mynta ka sngi.
U Director General of Police, Manipur ula pyntip haka kaiphod bala jinglong jingman ka shong suk shong shngain hapoh kane ka jylla kala sdang ban wan biang sha ka jingbha bad kane kala pynlong iaka jingtyrwa ban pyllait noh iaka kor Internet bad naka liang ka sorkar ruh kala mynjur.
Haduh mynta ka 23 tarik Nailur, iaka hukum haba iadei bad ka jingkhang iaka bor Internet kat kum ka Public Emergency or Public Safety Rules, 2017 la weng noh bad la plie biang iaka bor Internet bad kiwei kiwei ki jingdonkam kum ka MMS bad Mobile Internet/Data services hapoh Manipur.
Haba iadei bad kane, ka hukum, la soi da u T. Ranjit Singh, Commissioner (Home) ka sorkar Manipur haka 23 tarik mynta u bnai.
Kane ka rai kadei hadien bala sdang sakhim baka jinglong jingman ka jingshong suk shong shngain kala sdang wan biang ha Manipur bad kane ka rai kan plie lad iaki paidbah ioh ki lad jingmyntoi kiba man ka sngi.
