spot_img

Manipur: Shong kyllain mungor ki Kynthei ha lai jaka ban burom ia ki lanot ba iap na ki kam iaumsnam

Date:

Share post:

Imphal, Nailar 17: Kum ka dak ban pyni ia ka jingburom bad jingkynmaw tmang, ki kynthei ka Jylla Manipur kila pynlong ia ka jingiashong kyllain mungor ha lai tylli ki jaka hapoh ka Jylla hynne ka sngi Palei, ban kynmaw burom ia ki lanot kiba la duh noh iala ka jingim na ki kam iaumsnam hapoh ka Jylla.

Ia kane ka jingiashong kyllain mungor la pynlong ha New Lamka marjan ka Dorcas Hall, hajan ka Medical College kaba don marjan ka District Hospital bad ha ka Wall of Remembrance.

Da ka jingngeit ha ka mynsiem, kine ki kynthei kila pyndem ha ki jingduwai ban ioh ia ka jingkyrkhu, haba kyrmen skhem ba ka jingiakren kan sei uban pynmyntoi ia ki paid riewlum. Ka jingdawa ba hakhmat eh jong kine ki jaidbynriew ka long ban ain oh iala ka jong ka bor synshar khadar kaba iasyriem kum la ka jong ka Jylla.

Ha ka 31 tarik Naitung, ki kynthei ba palat 1000 ngut kila ialum lang ha Churachandpur ban dawa weng noh ia ki Pulit ka Jylla napoh ka sor Moreh.

Shuwa kane, ha ka 28 tarik Naitung, da ki hajar ngut ki kynthei Kuki-Zo kila iamih sha surok ha Tengnoupal District bad pakhang ia ka surok ban leit sha Moreh, ka sor ba ha khappud ka Mynmar- ia kaba la pynlong ban khanglad ia ka jingleit rung ki bor Pulit.

Kumba 150 ngut ki briew kila iap bad palat 400 ngut kila mynsaw na ka jingkhie ka thma iapher jaidbynriew kaba sdang naduh ka 3 tarik Jymmang, 2023. Palat 60000 ngut ki briew kila kylla phetwir namar ka jingjur ki kam iaumsnam.

Share post:

spot_img
spot_img

Popular

More like this
Related

Tripura : Yn wan pyndem palat 400 ngut ki ehrang ka NLFT bad ATTF

Agartala, Nailur 23: Palat 400 ngut ki ehrang ka...

Dawa ka NESO ia ka Sorkar Pdeng ban phah pynshitom ia ki Para (SF) ba pyniap briew pathar ha Oting

Shillong, Nailur 23 : Ka North East Students Organisation...
spot_img