Imphal, Naitung 4: Ki riew runar kila wiang ding ia ka Iingsah jong u Nongaiktien ka Kuki National Organisation (KNO) Dr Seilen Haokip ha ka sngi Nyngkong ha Churachandpur District, Manipur.
Kat kum ka khubor, kane ka Iing jong u Dr Seilen kaba dei ruh ka farmhouse, kala shah wiang ding hapdeng ka por 11-12 baje shiteng miet. Ha kane ka jingjia, kawei ka kali Polo kala shah wiang ding lang.
Ka ding kaba rhem bha kala bam duh ia kiba bun ki jingdon jingem ha kane ka Iing wat hapdeng ka jingiakhun jong ki kali pynlip ding kiba la poi mar mar sha kane ka jaka ban tem ia ka ding.
Lah ban kdew ba ka Kuki National Organisation (KNO) ka dei ka seng kmie jong ki 17 tylli ki kynhun kaikhlaw ki Kuki, kiba la dawa iala ka jong ka Kuki Land na ka bynta ki jaidbynriew Kuki.
Kat kum ka khubor, ka jinglong jingman ha Manipur kala nang sniew ha ka sngi Nyngkong da ka jingmih ki jingiather kuli ha ka thain Kangpokpi. Ka khubor ka iathuh ba kane ka jingiather kuli kaa jia ha ka shnong Phaileng bad ka jingiather kuli ka dang iai bteng bad kala pynshongsyier ia ki nongshongshong ka thain.
Ha kajuh ka por, ki bor shipai kila pynlong ia ka jingkhynra kaba jur ban beh khtong ia ki kynhun kaikhlaw kiba don ha ka tjain.
Ha ka 2 tarik Naitung, u Myntri Rangbah ka Manipur N Biren Singh ula leit iuhkjat sha ki jaka ba jur ka jingiakynad ha ka thain jong ka Bishnapur Districy hadien ka jingioh khubor ia ka jingia umsnam bad jingia wiang ding ha ka shnong Khoiujmantabi. Ha kane ka jingiaumsnam, lai ngut ki briew kila iap.
 ka dei ka seng kmie jong ki 17 tylli ki kynhun kaikhlaw ki Kuki, kiba la dawa iala ka jong ka Kuki Land na ka bynta ki jaidbynriew Kuki.){kind=link}