Manipur : Shah thang ka Ophis ka BJP ha Thoubal namar ka jingshah pyniap ki Samla pule

Date:

Share post:

Imphal, Nailur 28 : Tang hadien katto katne sngi ba saphriang ka dur metiap jong ki samla pule ba jah rngai, ka Manipur kala khynwin biang da ki jingiakynad kaba lam sha ka jingwiang ding ia ka Ophis jong ka Bharatiya Janata Party (BJP) kaba don ha Thoubal District.

Da ki hajar ngut ki smala pule kila iamih sha surok ha ka sngi ba-ar ban dawa ia ka jingbishar kaba hok na ka bynta kine ki arngut ki samla pule kiba shah pyniap ha ki riewkiengatiar.

Kane ka jingiakhih kala poi sha ka jingkulmar kabaheh ha kaba bun ki samla pule kila mynsaw na ka jingiapynibor bad ki bor pahara bad do ruh ki Pulit kiba mynsaw na ka jingshah thombor ha ki samla bad shah knieh ruh wat ki tiar siat ba ki kieng ha met.

Ha kane ka jingiakhih, ka Ophis jong ka BJP ha Thoubal District kala shah wiang ding ha kine ki nongiakhih.

Ha kajuh ka por, u Myntri Rangbah ka Jylla N Biren Singh ula ong ba u Myntri kam Pohiing ka Ri Amit Shah ula kular ban leh eiei mar dor iaki briew kiba donkti ha ka jingrahbor bad pyniap ia kine ki arngut ki samla pule.

U N Biren Singh ha ka sngi Balang ula pynrem jur ruh ia kane ka jingkynnoh rahbor bad pyniap ia kine ki samla pule bad smai ba ki briew ba donkti kin ioh ia ka jingpynsajia ba tyngeh duh.

“La shibnai-shibnai shiteng kam shym la don shuh ka jingiather kuli na baroh arliang bad ka jingsuk kala wanphai. Hynrei ka jingjia ba sngewsih kala jia ha kaba kawei ka samla Meitei bad uwei u shynrang kila jah naduh ka 3 tarik Naitung. Ngi la pyrshang ban wad ia ki bad khatduh ngi la aiti ha ka CBI ha ka 28 tarik Nailar. Ka video kala mih paidbah hynnin ka sngi kaba pyni bala lap ia ka metiap jong kine ki arngut” ong u Biren Singh.

Share post:

spot_img

Popular

More like this
Related

Pynkhreh u Bah Shemborlang bad Strong Pillar ban shimti ia ka shuki CEM bad Chairman ka KHADC

Shillong, Rymphang 27: U MDC ka VPP na Laitkroh...

Pynbam smai ki DC ia ki MDC thymmai ka KHADC bad JHADC

Shillong, Rymphang 27: Ki Deputy Commissioner ka East Khasi...

Four arrested in Cachar for impersonating Pakistani terrorists to extort money

Guwahati, Feb 27: Cachar police have arrested four persons...

Kem ki Pulit Assam ia 4 ngut ki runar ba kam lehnoh Pakistan | 2 ngut kem na East Jaintia Hills

Shillong, Rymphang 27 : Ki Pulit ka Cachar kila...