Imphal, Jymmang 16 : Arngut ki samla kila shah rahbor ha ka kynhun ki runar ba kiengatiar hapoh Thoubal District ka Manipur.
Kine ki arngut ki kyrteng u Moinam Md Tomb aba 20 snem bad u Md Farid Khan ba khot sin u Boycha ba 20 snem, uba dei na Keibung Mathak Keikai.
Kat kum ka kaiphod, kine ki arngut kila shah rahbor hapdeng ka jingpyniap suloi ha ka janmiet nyngkong. Ia ka metiap u Tomba la lap ha ka janmiet sngi Balang.
Haba shimkhia marmar ia kane ka jingjia, ki Pulit kila ioh kem ia 10 ngut ki briew ia kiba la ngeit skhem ba ki donkti ha lyndet ka jingiap u Tomba bad ka jinglap ia ka metiap jong u.
Uwei pat u samla, u Boycha u dang don mynta hapdeng ka jingsumar ha Hospital ha Imphal.
Ki briew ba shah kem ki kyrteng u Salman Khurshid (29), Md. Manjur (39), Hawaibam Chester (29), Sinam Aimsum (28), Oinam Leonando Meitei (25), Md. Majinur (19), Elangbam Gobin Singh (33), Yangkhubam Rajia(22), Md. Azam Khan(32), bad Silvia(19).
“Ngi la kem ia 10 ngut ki briew halor kane ka jingrahbor. Ngi la sdang ia ka jingtohkit hynrei haduh mynta ngim pat lap ia ka daw tynrai halor kane ka kam bymman bad ka jingtohkit ka dang iaid shakhmat” ong ki Heh Pulit.
