Imphal, Nailar 16: Ha kawei na ka jingkhynra da ki bor pahara, kila ioh ban kem ia san ngut ki ehrang kaikhlaw bad na ki la ioh ban kurup ia ki suloi, ki kuli bad ki kot ki sla ha ka sngi Thohdieng.
Kine kiba la shah kem la tip kyrteng kum Konjengbam Babita Devi (45) ba na Kodompokpi Mamang Leikai, u Hiyangthang, na Imphal West, u Lisham Premika Devi (33) na Khongman Zone-II, Imphal East, u Nandeibam Noni Devi (53) na Khongman Atom Leikai, Imphal Eastbad u Heikham Ravi Meitei (38) na Senjam Chirang Mayai Leikai, u Lamsang, Imphal West.
Na kine, ki bor pahara kila ioh ban ruh ia san tylli ki mobile phone, ka pisa ba ₹1,666, bad ar tylli ki Aadhaar cards.
Na ka liang jong ki bor pahara kila pyntikna ba saw ngut ki dei ki dkhot ba pura jong ka kynhun kaikhlaw jong ka Kangleipak Communist Party–Taibanganba (KCP–Taibanganba) kiba la shah kem na Langthabal Khunou kaba hap hapoh ka Khongjom police station jong ka Thoubal district.
Ha kawei pat ka jingkhynra, ki dkhot jong ka kyuhun PREPAK (PRO), kiba la tip kyrteng kum u Chabungbam Kenedy Singh ba ju khot sin Chingshuba (21) na Chingmeirong Maning Leikai, Imphal West, la shah kem noh na Soibam Leikai kaba hap hapoh ka Porompat police station, Imphal East.
Katkum ka jingtohkit, la dang pynkhlain shuh shuh ia ka jingwad bniah ha ka thain Ngariyan Chingyang hills, Imphal East, kaba la lam pat ban ioh kurup ia ki tiar ba kynthup ia kawei ka INSAS LMG magazine, kawei ka SLR rifle magazine, 27 round 7.62 mm SLR live ammunition, 20 rounds of 7.62 mm AK rifle ammunition, three rounds of 9 mm live ammunition, lai tylli ki smoke shells bad kawei ka soft-nose tear smoke shell, kawei ka 38 mm anti-riot cartridge bad ki kuli jri ne rubber bullet, kawei ka stun shell, 17 tylli 7.62 mm cartridges ba thylli, 31 tylli ki .303 rifle cartridges, bad ar tylli ki 12-bore cartridges.
