Imphal, Jymmang 22: Ha ka jingkhynra kaba ur bha, ki shipai kila ioh kem ia lain gut ki ehrang jong ka Kangleipak Communist Party -Taibanganba (KCP-T) na Thoubal District ha ka sngi Ba-ar.
Kat kum ka jingiathuh ki Pulit, kine ki briew kila donkti ha ki kam dawa pisa hapoh ka thain.
Kine ki ehrang ki dei kiba la tip kyrteng u Kongjengbam Akash ba khot sin u Pari Meitei (33), Nongthombam Amujao Singh (25) bad u Amom Somendro ba khot sin u Kaleipung Meitei (28).
Na kine ki ehrang la ioh ban kurup ia 2 tylli ki pistol bad artylli ki magazine, 19 tylli ki kuli, ka pisa ba T. 30,000, lai tylli ki mobile phone bad saw tylli ki shithi dawa pisa nalor ka kali Alto car ba ki pyndonkam.
“Halor ka jingioh khubor ia ka jingdon ki katto katne ki riew kiengatiar kiba pyrshang dawa pisa jubor hadien ka jingsam shithi dawa pisa, ngi la pynlong ia ka jingkhynra ha shnong Khangjom, kaba hap ha Thoubal District bad ngi la iohkem ia kine ki ehrang kaikhlaw” ong ki Heh Pulit.
 na Thoubal District ha ka sngi Ba-ar.){kind=link}