Imphal, Jylliew 30 : Ha ka jingjia ba dang shu ioh, ka dur jong ka shithi iehnohkam bala tar lyngkhot lyngkhai jong u Myntri Rangbah N Biren Singh kala saphriang ha ki rynsan social media.
Kat kum ka khubor, u Biren Singh ula dei ban aiti ia kane ka shithi iehnohkam sha ka Lat ka Jylla Manipur hadien ka jingiakynduh bala buh ban long ha ka por 1 baje nohphai sngi.
Kane kala mih hadien ka jingialum paidbah ki kynthei shabar ka Iingsah ka Lat ka Anusuya Uike hadien bala saphriang ka khubor ba u Myntri Rangbah N Biren Singh ula pynbeit ban iakynduh ia ka Lat ban buh ia ka shithi iehnohkam kum u Myntri Rangbah ka Manipur namar ka jingiai bteng khlem sangeh ki jingjia iaumsnam.
Pule lang ia kane: Leit pyntngen u Rahul Gandhi ia ki lanot ha Imphal da ka jingiabam ja lang bad ki Khynnah
