Imphal, Nailur 30: Ka Sorkar Manipur ka la pynjlan ia ka jingpynbna ia ka ain Armed Forces (Special Powers) Act, 1958 (AFSPA) ha baroh kawei ka jylla sa 6 bnai kaba sdang naduh ka 1 tarik Risaw 2024.
Ki jaka ba lait naka jingpynjlan iaka AFSPA ki kynthup ha ka jingpeit jong ki 19 tylli ki police station ha ki hynriew tylli ki District jong ka Imphal Valley.
Ka ain AFSPA kan dang treikam ha baroh ki jaka lum, kiba la synshar da ki jaitbynriew riewlum.
Naduh u snem 2022, la weng noh ïa ka AFSPA na ki jaka them, kiba shong ki sah da ki jaitbynriew Meitei ki bym dei ki riewlum namar ka sdang wan phai biang ka jingbha jong ka jinglong jingman.
Ki hynriew tylli ki District, kiba don shabar ka jingpeit jong ka AFSPA, ki kynthup ia ka Imphal East bad Imphal West, ha kaba ka nongbah Imphal bad kiwei ki jaka ba kongsan.
U Commissioner (Home) jong ka Sorkar Manipur, u N. Ashok Kumar ha ka jingpynbna u la ong ba ka Sorkar Jylla hadien ba ka la bishar bniah ia ka jinglong jingman jong ka ain bad ka suk ka sain kaba don ha ka Jylla ka don ia ka jingmut ba kam long kaba biang ban don ka jingbishar bniah namar ki bor ain ki sngewkhia ha kaba pynneh pynsah ia ka ain bad ka shongsuk shongsain.
 Act, 1958 (AFSPA) ha baroh kawei ka jylla sa 6 bnai kaba sdang naduh ka 1 tarik Risaw 2024.){kind=link}