Imphal, Nailur 06 : Kum ka lad jingiada ia ki kam iaumsnam, ka Sorkar kala pynjari biang ia ka korphiw ha ki san tylli ki District ba jur ki kam iaumsnam hapoh ka Manipur.
Kat kum ka jingpyntip ki Heh Sorkar, ia ka korphiw la pynjari biang ha Bishnupur, Kakching, Thoubal, Imphal West, bad Imphal East districts ka Manipur.
Kane ka korphiw kala treikam naduh ka sngi ba-ar haba kyntu ruh ia ka COCOMI ba kan weng noh ia ka jingthmu ban thom da ka bor ia ki jingker ki shipai kiba don ha Phougakchao Ikhai ha Bishnupur district.
Ka Sorkar kala kyntu ruh ia ka COCOMI ba kan kyrshan ia ki lad pahara bala shim da ka Sorkar ban pynkhlain ia ka jingpahara ha ka thain.
Ka Sorkar kala shim ia kane ka rai hadien ba ka Coordinating Committee on Manipur Integrity (COCOMI) ba kyrpad ia ki briew na ki valley district ba kin weng noh ia ki jingker jong ki shipai kiba don ha Phougakchao Ikhai.
