Guwahati, Naiwieng 07: Kawei ka video kala saphriang ha ki Social Media ha kaba la iohi ba ki shipai jong ka Assam Rifles kila leit ban iarap ia ki Pulit Commando ka Manipur, kiba shah hiar thma ha ki kynkai kaikhlaw ha ka surok Highway kaba don marjan ka khappud India-Myanmar, ha Moreh.
Kane ka jingjia la ong ba kala jia ha ka 31 tarik u Risaw.
Kat kum ka khubor, ki Pulit Commando kila leit sha Moreh, kaba jngai kumba 115 km na Imphal kum ka jingpynkhlain ia ki bor pahara hadien ba ka jingshah siap iap uwei u Heh Pulit ha u sniper kaikhlaw katba u dang peit ia ka pahara ha ka jingshna ia ka helipad hapoh kane ka sor khappud.
