Imphal, Naitung 20 : Ka National Human Rights Commission (NHRC) kala phah notice sha u Chief Secretary bad sha u Director General of Police (DGP) ka Manipur, ba pan ia ka kaiphod ba bniah halor ka jingshah pyniaid lyngkhuit ki arngut ki Kynthei bad shha leh beijot ha ki paidbhur myn ha ka 4 tarik Jymmang, ia kaba la saphriang lyngba ka video.
Ha ka shithi bala phah ha ka sngi Palei, ka NHRC kala ong ba kala shimkhia ia ka jingujor ba kyrpad ban tuklar kyrkieh halor kane ka jingjia ha kaba ki paidbhur kila sei ia san ngut ki dkhot jong ka longiing ki paid riewlum na ka kti ki Pulit ha Shnong B Phainom, Kangpokpi District myn ha ka 4 tarik Jymmang, 2022.
Kine ki paidbhur kila pyniaid lyngkhuit ia ki arngut ki Kynthei bad leh beijot ia kawei napdeng jong ki nalor ka jingpyniap dusmon ia arngut ki shynrang jong kane ka Longiing kiba pyrshang ban iada ia kine ki kynthei.
Ka Commission kala phah notice sha u Chief Secretary bad DGP ka Manipur ba pan ia ka kaiphod ba bniah hapoh ka 4 taiew.
“Ka dei ban kynthup ia ka jingiaid ka jingtohkit halor mynta halor ka ejahar bala register halor kane ka jingjia, ka jinglong ka koit ka khiah kine ki lanot Kynthei bad kiwei kiba mynsaw nalor ka jingsiew bai luktsan kumjuh, lada don, ka jingai sha kine ki lanot/longiing” ong ka shithi.
“Ka Commission ka kwah ruh ban tip halor ki sienjam bala shim/ tyrwa ban shim ha kaban iada ia ka hok longbriew man briew jong ki Nongshongshnong, khamtam ki Kynthei bad ki briew kiba lah ban kylla lanot jong ka Imlang sahlang na kum kine ki kam riewkhlaw” kala bynrap.
Pule ruh: Dawa ka HYC ban pynlong ia ka West Khasi Hills kum ka “Nongbah Synrai’
 kala phah notice sha u Chief Secretary bad sha u Director General of Police (DGP) ka Manipur, ba pan ia ka kaiphod ba bniah halor ka jingshah pyniaid lyngkhuit ki arngut ki Kynthei bad shha leh beijot ha ki paidbhur myn ha ka 4 tarik Jymmang, ia kaba la saphriang lyngba ka video.){kind=link}