Shillong, Naitung 20 : Ka Hynniewtrep Youth Council-West Khasi Hills kala dawa ia ka Sorkar Jylla ban pynlong ia ka West Khasi Hills kum ka “Nongbah Synrai” jong ka Jylla Meghalaya.
U Samla Wantei Lyngdoh, General Secretary ka HYC ula ong ba kane ka jingdawa ka dei kaba shong nongrim namar ka District kala kynjoh ia ka 46 snem bad ka dei ruh ka District ba hehduh hapoh ka Jylla. Ka HYC kala pynpaw ruh baka District kala pynmih ia shibun ki Nongialam kiba lamkhmat ha ka jingiakhun ban ioh iala ka jong ka Jylla.
Haba ban jur ia ka jingkongsan ka “Nongbah Synrai”, ka HYC kala ong ba kane kan iarap ba ka roi ka par kan poi sa man la ki kyndong kynshrot jong ka Jylla.
“Lada ki paralok na Ri-lum garo ki dawa Nongbah Tlang ha Tura, ka West Khasi Hills ruh ka don hok ban ioh ia ka Nongbah Synrai” bynrap ka HYC.
Pule ruh: Sngewskhem u CM ban sa kiew ka Meghalaya ha ka kyrdan jingdon jingem ha ki 5 snem ban wan
